HATAW! D'yaryo ng Bayan hatawtabloid.com
DAHIL sa nai-post ni Mel Martinez na larawan nang ipagdiwang ng kanyang pamilya ng sama-sama ang Bagong Taon, nagtanong ang netizen kung photobomber lang ba ang nakita nilang si Joem Bascon sa nasabing family gathering.
Magkasama sa pelikulang Culion sina Joem at Meryll Soriano.
Noon pa inuusisang mabuti ng press ang pagiging close nila sa isa’t isa. At sa ilang pagkakataon nga ay hindi na matingkala ang sobrang pagkakalapit nila dahil may mga lumulusot nga na kakaibang kilos sa dalawa.
Sabi naman ng mga miron, kung sakal’ng maging sila na, wala namang matatapakan dahil matagal na palang hiwalay si Joem sa longtime girlfriend niya na isang vlogger.
Si Meryll naman focused sa halos sa binata na niyang anak na si Eli. Na siyang naging escort niya sa premiere ng Culion.
Plano nga ng mag-inang magbakasyon sa labas ng bansa very soon para lalo pa silang makapag-bonding!
Mahal na nga ba uli nina Joem at Meryll ang isa’t isa?
Isa na nga bang pagpapakita ng pagsang-ayon na sa pag-level-up ng kanilang pagkakalapit ang pagsama ni Joem sa okasyon ng pamilya ni Meryl?
HARD TALK!
ni Pilar Mateo
