Saturday , January 18 2020
Breaking News
You are here: Home / Showbiz / Sila ang dapat mahiya ni Bea, sino ang pinatutungkulan?
Sila ang dapat mahiya ni Bea, sino ang pinatutungkulan?

Sila ang dapat mahiya ni Bea, sino ang pinatutungkulan?

PINAG-UUSAPAN hanggang ngayon ang simpleng comment lang ni Bea Alonzo nang matanong tungkol sa “ghosting” na “sila dapat ang mahiya.” Aba tama naman ang sinabi ni Bea, kung sino man ang naging two timer, at sino man ang naging taga-salo iyon ang mga dapat mahiya dahil sila ang may kasalanan sa isang tao eh. Magmalinis man ang third party na niligawan lang naman siya, maliwanag na nakipagsabwatan din siya lalo na kung alam niyang ang nanliligaw sa kanya ay may ibang karelasyon.

Nang sabihin iyon ni Bea, wala naman siyang tinutukoy na kahit na sinong tao. Ang sinasabi niya dapat mahiya ang gumagawa ng ganoon kahit na kanino pa nila ginawa iyon. Nagkataon nga lang siguro na nagkaroon ng ganoong kuwento tungkol kay Bea lately, pero itinuturo niya maging ang kanyang kaibigan at co-star sa Unbreakable na si Angelica Panganiban. Umuoo rin naman si Angelica sa pagsasabing dapat talaga mahiya ang gumagawa ng ganoon.

Pero kung minsan iyong mga gumagawa ng ganyan, hindi sila talaga nahihiya at siguro wala sa isip nila na kahihiyan ang kanilang ginagawa. In fact siguro nga kung hindi nagkakaroon ng public uproar, ipagmamalaki pa nila ang kanilang “ghosting.”

Kung sabihin nga ng ilan, masakit mang isipin, dito sa showbusiness normal na nga lang nangyayari iyang ganyang pagpapalitan ng mga syota. Mukhang masyadong maluwag nga ang moralidad sa showbusiness eh. Parang wala na rin silang pakialam sa iba, basta nasusunod ang gusto nila.

At ang masaklap, talagang hindi sila nahihiya.

Tama lang si Bea na magpaalala na kung sino man ang gumagawa ng ganyan (ghosting) dapat naman silang mahiya. Hindi maganda iyan. Hindi nila maipagmamalaki iyan.

HATAWAN
ni Ed de Leon

 

About Ed de Leon

Leave a Reply

Your email address will not be published. Required fields are marked *

*

Scroll To Top