Paglayas ni Jerald sa APT, masusundan pa?

MAY mga bagong talent na pumapasok sa APT, kabilang na nga iyong lumayas naman sa Star Magic na si Kisses Delavin, pero may mga lumalayas din naman sa kanila kagaya nga niyang si Jerald Napoles. Ang tanong nga namin ngayon, sino-sino pa nga bang talents ang lalayas sa APT?

Nagsaksakan lang naman lahat halos iyan sa APT nang magkaroon sila ng ibang shows, iyon ngang Sunday Pinasaya. Ngayong wala na ang show, tiyak iyon may mga eexit pa sa kanila. Kasi iyan namang mga talent, kaya nga nagpapa-manage iyan eh umaasa sila na may makukuha silang trabaho mula sa mga manager nila. Eh ang isa pang show ng APT iyong Eat Bulaga, kaya iyong hindi na makasisingit sa Eat Bulaga, na imposible naman talaga dahil may ibang grupo roon, malabo na ang trabaho.

Ngayon, susugal pa ba sila kung ganoon?

HATAWAN
ni Ed de Leon