Kisses, umalis ng Dos dahil may humaharang sa career

EXPECTED na ng iba ang pag-alis sa ABS-CBN at Star Magic ng 2016 Pinoy Big Brother Second Placer na si Kisses Delavin dahil hanggang ngayon ay paputak-putak pa rin ang takbo ng karir.

Hindi na siya nakahintay kaya pumirma na ng kontrata sa Triple A management kamakailan.

Nang matanong si Kisses kung bakit nag-iba siya ng manager, ang sagot nito’y “Gusto ko lang pong mag-explore but at the end of the day, I’m always thankful for everything that I’ve achieved through the help of ‘PBB’ where I started so I’m so thankful to them.”

Ang balita, maayos naman ang pagpapaalam ni Kisses sa Star Magic at tinapos muna ang kontrata rito.

Bale kapatid na ni Kisses sa manager sina Marian Rivera, Maine Mendoza, Jerald Napoles at iba pa.

Sa kabilang banda, may tsikng wala umanong kinausap si Kisses sa mga kaibigan niya sa Kapamilya Network, lalo na ang dating ka-love team na si Donny Pangilinan, para sa paglipat ng bagong management.

Sinasabing kaya ginawa ni Kisses ang paglipat ay dahil may humaharang sa pag-usbong ng kanyang karir.

STARNEWS UPLOAD
ni Alex Datu