Tuesday , March 19 2024

Buntis pinaglakad ng ambulansiya… Puso ng baby tumigil inunan agad humiwalay nanay dinugo patay

PAIIMBESTIGAHAN ni Manila Mayor Francisco “Isko Moreno” Doma­goso ang pagkamatay ng isang buntis na ginang na unang dinala sa Ospital ng Sampaloc at ipinalipat sa Sta. Ana Hospital kamakailan.

Sa impormasyon na ibinigay kay mayor Isko, dakong 8:00 am nitong 21 Oktubre, nagpunta mag-isa ang pasyenteng buntis na si Myra Morga sa Sampaloc Hospital dahil sumasakit ang tiyan at kanya na umanong kabu­wanan.

Agad inasikaso ng mga kawani ng nasabing ospital si Morga at noon nasuri ng isang doktor na wala nang “heart beat” ang bata na nasa sina­pupunan nito kaya’t inirekomendang ilipat ang pasyente sa Sta. Ana hospital dahil mas kom­pleto ang mga kagamitan doon.

“Nang dumating iyong kamag-anak ni Myra, sinabihan sila na hindi nila kaya ang sitwasyon ng pasyente kaya dinala sa Sta. Ana hospital,” anang alkalde.

Batay sa kumalat na video sa social media, hindi umano inihatid hanggang sa harapan ng emergency room ng Sta. Ana Hospital ang pa­syente kundi sa labas ibinaba at pinaglakad hanggang makapasok sa nasabing pagamutan.

Dahil sa patuloy na pagdurugo, ilang oras ang nakalipas ay bina­wian ng buhay si Myra gayondin ang bata sa kanyang sinapupunan.

Batay sa mediko legal, namatay umano ang pasyente dahil sa hypovolemic shock, severe anemia at abruptio placenta.

Kahapon, humarap ang Director ng Sampaloc Hospital na si Dra. Aileen Lacsamana at Director ng Ospital ng Sta. Ana na si Dra. Grace Padilla kay Mayor Isko upang maka­pagpaliwanag.

Iginiit ng alkalde na paiimbestigahan ang na_sa­bing insidente at kung sakaling mapatu­nayan na may kapa­baya­ang naganap, titiyakin niya na may mananagot.

Paiimbestigahan din ng alkalde ang driver ng ambulansiya na naghatid sa namatay na pasyente sa ospital ng Sta. Ana kung bakit ibinaba sa kal­sada sa kabila ng deli­kadong kalagayan nito.

Napag-alaman na nailibing na ang bangkay ng mag-ina na pinagsama sa iisang kabaong dahil sa kanilang kahirapan.

Ayon kay Isko, kahit hindi umano residente ng Maynila ang namatay na pasyente, magbibigay pa rin ng tulong ang pamahalaang lungsod ng Maynila sa pamamagitan ng Manila Social Welfare and Development (MSSD).

 

About hataw tabloid

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *