Tuesday , November 12 2019
Breaking News
You are here: Home / News / Walang ASF sa Batangas — Abu
Walang ASF sa Batangas — Abu

Walang ASF sa Batangas — Abu

SA GITNA ng luma­la­wak na pangamba hinggil sa African Swine Fever (ASF) sa bansa, nanin­digan si Deputy Speaker Raneo Abu ng Batangas na libre pa rin ang pro­binsiya sa sakit na nakaapekto sa libo-libong baboy sa bansa.

Ayon kay Abu, sa pagputok ng balita sa ASF, ipinagbawal na agad ng pamahalaan lokal ang pagpasok ng baboy sa probinsiya.

“Ang aming Gober­nador (Hermilando) Man­danas nagsagawa agad ng pagbabawal sa pagpa­sok ng baboy mula sa ibang probinsiya,” ani Abu sa interbyu sa Lobo, Batangas.

Ayon kay Abu, mis­mong ang provincial veterinary officer ang nagsasabi na walang ASF sa probinsiya.

Sa patunay na walang nakapasok na ASF, nag­sa­gawa si Abu ng “boodle fight” kasama si Lobo Mayor Gaudioso Manalo at iba pang opisyal ng lokal na pamahalaan ng Lobo para kumain sila ng  litson.

Ang Batangas ay kilala rin sa bulalo ng ba­ka. Ang karamihan nito ay nanggagaling sa bayan ng Padre Garcia na may regular  na “livestock auction market.”

Aniya, patuloy ang pagsagawa ng check­points ng kawani ng veterinary office upang siguraduhin na walang makapapasok na sakit ng baboy at iba pang pang-agrikulturang produkto sa probinsiya.

About hataw tabloid

Leave a Reply

Your email address will not be published. Required fields are marked *

*

Scroll To Top