Wednesday , October 16 2019
Breaking News
You are here: Home / Showbiz / Sept. 21, tinawag na bad day ni Ate Vi
Sept. 21, tinawag na bad day ni Ate Vi

Sept. 21, tinawag na bad day ni Ate Vi

TINAWAG ni Ate Vi (Vilma Santos) na “bad day” iyong September 21 ng taong ito, matapos niyang marinig nang sunod-sunod na namatay, si Isah Red at si direk Mel Chionglo. Nauna roon, naibalita rin sa kanya na namatay ang isang opisyal ng Department of Health, si Dr. Lyndon Lee Suy na kakilala rin niya.

Si direk Mel alam ko may sakit iyan sa puso, pero si Isah ba may sakit din sa puso,” pagtatanong pa ni Ate Vi. Hindi rin kasi siya makapaniwala sa mukhang napakaagang pagkamatay ng entertainment editor. Si Isah ang kauna-unahang presidente ng SPEEd, noong panahong iyon din nila sinimulan ang The Eddys at si Ate Vi ang kanilang unang-unang best actress awardee para sa pelikulang Everything About Her.

Sabi nga ni Ate Vi, basta ang isang tao nagkaka-edad na, hindi mo na alam talaga kung ano ang mangyayari.

Siyempre nga naman hindi na ganoon kalakas ang katawan mo. Kaya iyang si Ate Vi, ingat na ingat din lalo na sa kinakain niya.

Noon alam mo naman sa shooting, kung ano nandiyan kainin mo. Kung hindi naman magpapabili ka na lang ng kung ano ang madaling mabili. Pero ngayon ingat na rin ako sa ganyan, kasi natural lang naman iyong kailangang mag-ingat na tayo, at saka hindi rin tama iyong masyadong nagpapagod,” sabi pa ni Ate Vi.

Na siyempre ang katapusan ay iyong pangangaral ni Ate Vi, “kaya ikaw din mag-ingat ka. Hindi ka na bata. Iyong mga ginagawa ninyo noong araw na pagpupuyat at kain ng kung ano-ano tama na. Mahirap na ang magkasakit ngayon, at masyadong marami nang sakit na kumakalat.

Dapat kasi matuto tayong lahat na mag-ingat,” sabi pa ni Congresswoman Vi.

HATAWAN
ni Ed de Leon

 

About Ed de Leon

Leave a Reply

Your email address will not be published. Required fields are marked *

*

Scroll To Top