Tuesday , November 12 2019
Breaking News
You are here: Home / News / Rapper Loonie, 4 pa timbog sa drug bust
Rapper Loonie, 4 pa timbog sa drug bust

Rapper Loonie, 4 pa timbog sa drug bust

INARESTO ng mga ope­ratiba ng Drug Enforce­ment Unit ng Makati City ang sikat na FlipTop rap­per na si Loonie at apat nitong kasamahan sa isinagawang buy bust operation sa basement ng isang hotel sa naturang lungsod kamakalawa ng gabi.

Kinilala ni P/Col. Rogelio Simon, hepe ng Makati police ang mga suspek na si Marlon Peroramas, sa tunay na buhay, alyas Loonie, David Rizon, Ivan Agustin, Albert Alvarez at kapatid nitong si Idyll Liza Peroramas.

Nadakip ang mga suspek dakong 8:45 pm sa basement ng condo­minium sa Polaris St., Brgy. Poblacion, Makati.

Ayon sa pulisya, matagal na nilang mina­man­manan ang kilos ng grupo ni Loonie maka­raan silang makatanggap ng impormasyon na si Loonie umano’y nagbe­benta ng droga.

Nakipagkaibigan ang nagpanggap na poseur-buyer hanggang makuha nito ang loob ni Loonie at saka isinagawa ang transaksiyon kung saan nakabili ng high-grade marijuana o kush sa halagang P100,000 kapa­lit ng marked money.

Dito na inaresto si Loonie at apat niyang kasama at nakompiska ang 15 sachets ng mari­juana na nakasilid sa cellphone box.

Mariing itinanggi ni Loonie ang paratang sa kanya at sinabing nagtu­ngo sila roon para mag-gig sa hotel. Sasampahan ang mga suspek ng kaso dahil sa paglabag sa Compre­hensive Drugs Act Law at nakapiit sa Makati detention cell.

Nakilala at sumikat si Loonie sa kanyang ori­ginal hit song na “Tao Lang” at nagkamit siya ng award para rito.

(MANNY ALCALA)

About Manny Alcala

Leave a Reply

Your email address will not be published. Required fields are marked *

*

Scroll To Top