Tuesday , March 19 2024

Balik-imports sa PBA Govs Cup

BABANDERA Si two-time Best Import Allen Durham sa mga balik-imports sa paparating na 2019 PBA Governors’ Cup sa susunod na buwan.

Pinangalanan ang batikang reinforcement kamakalawa ng Meralco Bolts bilang kanilang import sa ikaapat na sunod na taon.

Sa unang dalawang tour of duties ni Durham noong 2016 at 2017 ay siya ang naging Best Import at nadala sa back-to-back Finals ang Bolts.

Ngunit noong nakaraang taon, sa kabila ng kanyang rehis­tro na 27.5 puntos, 20.5 re­bounds at 7.0 assists ay nagka­sya sa semi-final finish ang Meralco matapos yumu­kod sa Alaska.

Ngayon, parehong bangis ang inaasahan ni head coach Norman Black kay Durham para sa misyong makabalik ulit sila sa Finals at pag-asang makabulsa sa wakas ng kanilang unang PBA championship.

Kagagaling ni Durham sa magilas na Japan B. League stint nang siya ay nagtala ng 22.3 puntos, 13.2 rebounds at 4.5 assists na average para sa koponang Shiga Lakestars.

Pamilyar na mga mukha ang makasasa­gupa ni Durham dahil ilang balik-imports din ang babandera sa season-ending conference.

Isa na nga rito ang kanyang karibal na si Justin Brownlee na magsi­silbi naman bilang Ginebra reinforcement sa ikaanim na conference. Si Brownlee rin ang naging import ng Gin Kings sa katatapos lang na Commis­sioner’s Cup.

Balik PBA rin si Eugene Phelps ng Phoenix, Olo Ashaolu ng NLEX gayondin si Romeo Travis ng Magnolia.

Matatandaang si Phelps ang bumandera sa championship run ng Mighty Sports Philippines noong nakaraang buwan lang sa 2019 Jones Cup sa Taiwan.

Si Travis sa kabilang banda, bagamat natalo kay Mike Harris ng Alaska sa Best Import race noong nakaraang Governors’ Cup ay nadala sa kampeonato ang defending champion na Magnolia Hotshots.

(JOHN BRYAN ULANDAY)

About John Bryan Ulanday

Check Also

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

RP Blu Boys JHL Jean Henri Lhuillier

JHL nagalak  
CEBUANA LHUILLIER SOFTBALL TEAM WAGI SA PANGEA CUP INT’L SLO PITCH TOURNEY

MULING nagwagi ang RP Blu Boys, na ipinagtanggol ang kanilang titulo sa Men’s Super Division …

Pinoy electrical & civil engineers bowler rivalry sa WED tuloy-tuloy

Pinoy electrical & civil engineers bowler rivalry sa WED tuloy-tuloy

SA TEMANG “Engineering Solutions for a Sustainable World,” ang Philippine Technological Council (PTC) WED celebration …

Michael Concio Chess

FIDE Rapid Rated event:  
IM CONCIO KAMPEON SA 1ST MARINDUQUE NAT’L CHESS CHAMPS

Final Standings: (Open Division, 83 participants) 6.5 points—IM Michael Concio Jr. 6.0 points—FM Roel Abelgas, …

Daniel Quizon Jonathan Jota Chess

Quizon giniba si Jota nanguna sa 1st Marinduque National Chess Championship

MANILA — Winalis ni reigning Philippine National Open Champion International Master Daniel Quizon ang kanyang …

Leave a Reply

Your email address will not be published. Required fields are marked *