Tuesday , March 19 2024

SMB, TNT sabong sa game 5 (Isang panalo sa kampeonato)

MAG-UUNAHAN sa krusyal na panalo ngayong Game 5 ang San Miguel at Talk ‘N Text upang maka­lapit ng isang panalo sa kampeonato ng 2019 PBA Commissioner’s Cup best-of-7 Finals series.

Magaganap ang laban sa 7:00 pm kung kailan babasagin ng Beermen ang KaTropa ang pagkakatabla nila ngayon sa 2-2 kartada.

Best-of-three series na lang ang labanan ngayon kaya’t sinoman ang magwawagi ay makakalapit nang isang hakbang mula sa tuktok ng mid-season conference.

Naiiwan pa sa 1-2 deficit noong nakaraang linggo, nakaiwas sa malaking 1-3 hole at nakapuwersa ng 2-2 tabla matapos ang dikit na 106-101 panalo sa Game 4.

Upang makaiskor nang dalawang sunod na panalo para sa 3-2 kala­mangan ay sasandal muli si head coach Leo Austria sa import nitong si Chris McCullough na humakot ng 27 puntos at 22 rebounds sa krusyal na Game 4.

Nakatakdang magbigay ng su­por­ta sa kanya ang three-headed back­court na sina Alex Cabagnot, Chris Ross, Terrence Romeo at gayondin ang big men na sina Arwind Santos, Christian Standhardinger at June Mar Fajardo.

Bagamat nakasakay sa momen­tum ng Game 4 win, inaasahang hindi pa rin magiging madali ang misyon ng Beermen lalo’t uhaw na makaganting KaTropa ang kanilang makaka­tung­gali.

Aasa si TNT mentor Bong Ravena sa Best Import na si Terrence Jones na nagtala ng pambihirang 32 puntos, 16 rebounds, 6 assists, 6 steals, at 2 blocks sa kanilang dikit na kabiguan noong Game 4.

Aalalay kay Jones sina Troy Rosario, Yousef Taha, RR Pogoy, Brian Heruela, Don Trollano at Best Player of the Conference na si Jayson Castro.

(JOHN BRYAN ULANDAY)

About John Bryan Ulanday

Check Also

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

RP Blu Boys JHL Jean Henri Lhuillier

JHL nagalak  
CEBUANA LHUILLIER SOFTBALL TEAM WAGI SA PANGEA CUP INT’L SLO PITCH TOURNEY

MULING nagwagi ang RP Blu Boys, na ipinagtanggol ang kanilang titulo sa Men’s Super Division …

Pinoy electrical & civil engineers bowler rivalry sa WED tuloy-tuloy

Pinoy electrical & civil engineers bowler rivalry sa WED tuloy-tuloy

SA TEMANG “Engineering Solutions for a Sustainable World,” ang Philippine Technological Council (PTC) WED celebration …

Michael Concio Chess

FIDE Rapid Rated event:  
IM CONCIO KAMPEON SA 1ST MARINDUQUE NAT’L CHESS CHAMPS

Final Standings: (Open Division, 83 participants) 6.5 points—IM Michael Concio Jr. 6.0 points—FM Roel Abelgas, …

Daniel Quizon Jonathan Jota Chess

Quizon giniba si Jota nanguna sa 1st Marinduque National Chess Championship

MANILA — Winalis ni reigning Philippine National Open Champion International Master Daniel Quizon ang kanyang …

Leave a Reply

Your email address will not be published. Required fields are marked *