Wednesday , October 16 2019
Breaking News
You are here: Home / Sports / Gilas, tuloy agad sa ensayo
Gilas, tuloy agad sa ensayo

Gilas, tuloy agad sa ensayo

HINDI na magpapahinga ang Gilas Pilipinas lalo’t dalawang linggo na lang ang nalalabing paghahanda para sa paparating na 2019 FIBA World Cup sa Foshan, China.

Kababalik sa bansa kagabi mula sa Spain, magpapatuloy agad sa ensayo ang RP Team ngayon sa Meralco Gym papalapit sa world basketball joust na nakatakda mula 31 Agosto hanggang 15 Setyembre sa Foshan, China.

Maganda ang naging training camp ng Gilas sa Spain na tumagal ng isang linggo at kinabilangan ng maraming tune up games at mini-pocket tournament.

Unang stop ng Gilas ang Guadalajara na nanalo sila ng pares ng scrimmages kontra sa Congo, 82-71 at Ivory Coast, 93-84.

Sa mini-pocket tournament ay nag-uwi ng bronze medal ang Gilas matapos talunin sa battle for third ang Ivory Coast, 73-63. Spain ang nanalo sa kompetisyong pinamagatang Torneo de Malaga matapos ang 96-64 panalo kontra sa Congo.

Dito sa bansa, sasalang sa araw-araw na ensayo ang Gilas hanggang sa paglipad nito sa Foshan, China sa huling bahagi ng kasalukuyang buwan.

Bago iyon ay magkakaroon ulit ng tune-up matches ang Gilas kontra sa Adelaide 36ers sa 23 at 25 Agosto sa Meralco Gym bago tuluyang sumalang sa world cup.

Sa World Cup ay mapapalaban ang Gilas sa European powerhouses na Serbia at Italy gayondin sa pambato ng Africa na Angola sa Group D. (JBU)

About John Bryan Ulanday

Leave a Reply

Your email address will not be published. Required fields are marked *

*

Scroll To Top