HATAW! D'yaryo ng Bayan hatawtabloid.com
Magandang araw Sir Jerry,
Nagtataka po kami kasi maraming lugar sa Maynila ang napaluwag na ang trapiko at naalis na ang hambalang sa kalsada, pero mayroon pang natitira sa Maynila.
At ‘yan ang Intramuros Area.
Kung magagawi si Mayor Francisco “Isko Moreno” Domagoso kahit sa Magallanes Drive diyan sa Intramuros, makikita ang mga sasakyan na hindi lang naka-double park, may triple parking pa.
Pero ang matindi rito ginagamit din ng isang Chairman Gonzales ang program ni Mayor Isko para gipitin ang maliliit na pedicab driver.
Pinaalis kunwari pero sa totoo lang naghihintay ng dagdag na ganansiya.
Sa totoo lang po, maraming dapat linisin sa Intramuros at palagay namin ay panahon na upang seryosohin ito.
Gaya ng ‘walwalan’ diyan sa P. Burgos Drive, na malapit na malapit sa malalaking eskuwelahan o unibersidad sa Muralla St.
Hanggang ngayon ay namamayagpag pa rin ‘yan.
Mayor Isko, nanawagan kami na gamitin ninyo ang super powers ninyo para linisin na rin ang Intramuros.
Marami po ang naghihintay sa inyong aksiyon Yorme!
— Concerned Manila Citizen
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
