Wednesday , November 13 2019
Breaking News
You are here: Home / Sports / Dapat unanimous decision?
Dapat unanimous decision?

Dapat unanimous decision?

BUMILIB kay Senador Manny Pacquiao ang mga kilalang miron ng boksing  sa lahat ng panig ng mundo nang talunin ng tinaguriang Pacman ang mas  batang boksingero at kampeon ng WBA super welterweight na si Keith Thurman via split decision.

Humihirit pa nga sila na dapat ay unanimous decision ang naging verdict ng tatlong hurado na talaga namang dinomina ng Pinoy boxer ang halos lahat ng rounds maliban sa Rounds 6, 7 at 8.

May punto ang mga miron dahil iyon din naman ang pananaw ng mga eksperto sa boksing.  Pero siyempre ang desisyon ng hurado ay pinal kaya kuntento na lang lahat sa split decision.

Tingin natin, medyo malaki na ang ibinaba ng laro  ni Pacquiao.   Kitang-kita na napagod na siya pagkatapos ng Round 5 kaya medyo nagpahinga sa laban na sinamantala naman ni Thurman.

Ikanga, may second wind ang mga boksingero kaya muling nakabalik sa round 9 para tumapos ng may lakas pa.

Sa kabuuan, impresibo pa rin ang inilaro ni Pacman.   Biruin mong sa edad niyang 40 ay mabibilis pa rin ang pamatay niyang suntok na hindi nakita ni Thurman sa Round 1.

Siguro naman, wala nang patutunayan si Pac­quiao, puwede na niyang ikunsidera  ang pagreretiro.

KUROT SUNDOT
ni Alex Cruz

About Alex Cruz

Leave a Reply

Your email address will not be published. Required fields are marked *

*

Scroll To Top