Sunday , October 20 2019
Breaking News
You are here: Home / News / Civil engineer, 4 pa arestado sa bala at shabu
Civil engineer, 4 pa arestado sa bala at shabu

Civil engineer, 4 pa arestado sa bala at shabu

LIMANG hinihinalang sangkot sa ilegal na droga kabilang ang isang civil engineer sa isinagawang buy-bust operation kontra sa ilegal na pagbebenta ng bala ng baril sa Caloocan city, kamakalawa ng gabi.

Kinilala ni NPD District Special Operation Unit (DSOU) head P/Lt. Melito Pabon ang mga naarestong suspek na sina Crispin Vizmamos, 59, civil engineer at Karen John Montalban, 34, kapwa taga-Tondo, Maynila; George Morales, 44 anyos, Rannie Valverde, 36 anyos, Edwin Espera, 41, pa­wang taga-May­pajo, sa lungsod.

Sa imbes­tigasyon ni P/Cpl. Mark Jhovie Sales, dakong 8:00 pm nang ikasa ng mga operatiba ng NPD-DSOU sa pangu­nguna ni P/MSgt.Joel Rosales, kasama ang Caloocan police na pinamumunuan ni P/Col. Noel Flores ang buy bust operation kontra ilegal na pagbebenta ng baril sa A. Mabini St., Brgy. 33, Maypajo.

Isang pulis na nagpanggap na buyer ang nakabili ng 20 piraso ng bala ng kalibre .45 baril sa isa mga suspek kapalit ng P400 marked money at nang magkaaabutan agad dinamba ang mga suspek. Narekober sa mga suspek ang buy bust money at 15 plastic sachet na naglalaman ng hinihinalang shabu na nasa P40,000 ang street value. (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top