Saturday , July 20 2019
Breaking News
You are here: Home / Showbiz / Janah Zaplan, nag-enjoy sa Ogie Diaz acting workshop
Janah Zaplan, nag-enjoy sa Ogie Diaz acting workshop

Janah Zaplan, nag-enjoy sa Ogie Diaz acting workshop

MASAYA ang tinaguriang Millennial Pop Princess na si Janah Zaplan sa pagsabak niya sa Ogie Diaz acting work­shop. Si Janah ay bahagi ng 19 participants ng Batch 101 ng nasabing workshop ni katotong Ogie.

Pahayag ng talented na si Janah, “To be honest, I didn’t expect it to be so much fun. I learned a lot from our coach, kay sir Mel Martinez po. Bitin nga po ‘yung two days na ‘yun, e.”

May iba-ibang level, iyan hindi ba? Tugon niya, “Opo may advance din, inimbitahan na nga rin po ako sa advance pero hindi naman po ako puwede kasi nasabay sa recital po sa Star Magic.”

Sobra ang saya ni Janah sa papuring ibinigay sa kanya nina Ogie at Mel. “Hindi ko rin po akalain na sasabihin nila ‘yun sa akin. Si sir Ogie po, magaling daw po ako umarte. Tapos si sir Mel, first time niya pong nakita ‘yung timing na pang-advance na raw po. So, tinanong niya po kung first time ko lang talaga. ‘Tsaka ilang beses ko rin po kasi siya nadala sa eksena, kaya ayun po, kumbaga galing daw talaga sa puso ang ginawa ko. So, tuwang-tuwa po talaga ako.”

Ayon kay Janah, sobrang enjoy siya sa mga ginagawa niya ngayon at sa nangyayari sa kanyang showbiz career.

Incidentally, mapapakinggan na ngayon ang third digital single ni Janah titled More Than That. Ito ay komposisyon ni Paulo Zarate at available sa iTunes, Spotify, Youtube, Deezer, at Amazon.com, tulad din ng dalawa niyang naunang singles na Di Ko Na Kaya at Mahal Na Kita.

ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top