Monday , June 17 2019
Breaking News
You are here: Home / News / 356 lumabag sa ordinansa dinakip ng SPD
356 lumabag sa ordinansa dinakip ng SPD

356 lumabag sa ordinansa dinakip ng SPD

HULI ang nasa kabuuang 356 katao ng mga pulis dahil sa paglabag sa iba’t ibang ordinansa sa katimugang Metro Manila sa nakalipas na 24-oras.

Base sa ulat ni Southern Police District (SPD) Director, B/Gen. Eliseo Cruz, nagsagawa ng implementasyon ng mga ordinansa ang mga awtoridad sa mga lung­sod ng Pasay, Makati, Parañaque, Las Piñas, Muntinlupa, Taguig  at munisipalidad ng Pate­ros, simula 5:00 am kamakalawa at nagtapos 5:00 am kahapon.

Sa nasabing bilang, 23 indibiduwal ang nahuling nag-iinuman sa pampublikong lugar, 51 ang naninigarilyo, 47 ang walang suot na damit pang-itaas, 228 menor de edad ang lumabag sa curfew at pito sa illegal vending.

Pinakamalaking bi­lang ng ordinance viola­tors ang naitala sa siyudad ng Muntinlupa na pumalo sa 121 at sinundan ito ng Taguig City na 115.

Siniguro ng opisyal na patuloy ang kanilang pagpapaigting sa anti-criminality operations at implementasyon ng mga ordinansa upang mapa­natili ang kaayusan at katahimikan sa kanyang mga nasasakupang lu­gar. (JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top