Monday , September 16 2019
Breaking News
You are here: Home / News / Kotse bumangga sa poste… 5 sugatan, driver inaresto sa baril
Kotse bumangga sa poste… 5 sugatan, driver inaresto sa baril

Kotse bumangga sa poste… 5 sugatan, driver inaresto sa baril

ISINUGOD sa Sta. Cruz Hospital ang limang pasa­hero ng kotseng bumangga sa isang poste sa National

Highway, Barangay Lewin, sa bayan ng Lum­ban, lalawigan ng Laguna nitong nakaraang linggo.

Sa ulat ng pulisya, kinilala ang mga sakay ng kotseng Honda Civic na alabaster silver, may plakang ZLT394, na sina Reymond Baldemora alyas Boss Jandy, 36 anyos, driver, residente sa Barangay Wawa; at sina Renzielle Amores, Wendel Valderamos, Reymond Baldemora, at Ryan Austin Amores na pawang sugatan.

Dakong 01:20 am nang ipinagbigay-alam sa him­pilan ng pulisya ang insiden­te.

Agad nagtungo ang mga tauhan ng Lumban Police sa naganap na banggaan.

Nabatid na ang nasa­bing sasakyan ay nawala sa kontrol hanggang bu­mang­ga sa dalawang kon­kretong poste sa kaliwang bahagi ng high­way.

Samantala, nang isina­sagawa ang imbestiga­syon ng pulisya, nakita ang tatlong iba’t ibang uri ng baril at mga bala sa loob ng kotse at sa paligid ng pinang­yarihan ng insiden­te.

Inaresto si Reymond Baldemora dahil sa pagla­bag sa Omnibus Election Code at illegal possesion of firearms na kasalu­kuyang nakapiit sa Lumban MPS custodial facility.

(BOY PALATINO)

About Boy Palatino

Leave a Reply

Your email address will not be published. Required fields are marked *

*

Scroll To Top