Wednesday , June 26 2019
Breaking News
You are here: Home / News / Estudyante, tumalon sa car park ng mall
Estudyante, tumalon sa car park ng mall

Estudyante, tumalon sa car park ng mall

BASAG ang bungo at nagkabali-bali ang buto ng isang teenager ma­karaang magpatiwakal nang tumalon sa car park ng isang mall sa Quezon City, nitong Linggo ng umaga.

Kinilala ni P/Lt. Roldan Dapat ng Criminal Investigation and Detection Unit (CIDU) ng Quezon City Police District (QCPD) ang biktima na si Carl John Mir Sanchez, 18, binatilyo, estudyante at residente sa Blk 4, Lot 29, Yellow St., BF Resort, Las Piñas City.

Sa imbestigasyon ni P\SSgt. Genaro Diego ng CIDU, ang trahedya ay naganap dakong 1:00 am kahapon, 5 Mayo, sa 6th floor ng Car Park Plaza sa Expansion SM North Edsa, Brgy. Pag-asa, QC.

Batay sa pahayag ng security guard na si Joel Lustado, nagsasa­ga­wa siya ng roving inspec­tion nang mamataan niya na tila problemado at aligaga ang biktima na palakad-lakad sa Car Park Plaza.

Nang lapitan niya ang biktima upang sitahin, ay nagulantang na lamang siya nang bigla itong tumalon kaya hindi na niya naagapan at dugu­ang bumagsak sa ground floor.

Agad namang sumak­lolo ang iba pang guwar­diya sa mall kaya naisu­god sa Quezon City General Hospital ang binatilyo ngunit idine­klarang dead-on-arrival ng attending physician na si Dr. Kris David B Abigui. (ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top