Friday , March 29 2024
knife saksak

Machine operator kritikal sa saksak ng utol na babae (Dingding winasak)

KRITIKAL ang kalagayan sa pagamutan ng isang machine operator makara­ang saksakin ng nakatatan­dang kapatid na babae nang sirain ng biktima ang dingding ng bahay sa Malabon City, kamakalawa ng gabi.

Ginagamot sa Quezon City Memorial Medical Center (QCMC) ang biktimang kinilalang si Pedro Anagao, 34 anyos, sanhi ng mga tama ng saksak sa katawan.

Nahaharap sa kauku­lang kaso ang kanyang babaeng kapatid na kinila­lang si Aurora de Galicia, 56 anyos, mananahi at residen­te sa  Victoneta Avenue, Brgy. Potrero ng nasabing lungsod.

Sa pahayag ng saksing si Lanie Domingo, 39, kapitbahay ng magkapatid, kina P/SSgts. Richard Andrew Calaycay at Philip Cesar Apostol, dakong 9:00 pm,  kainuman ng biktima ang kanyang mga kaibigan sa labas ng kanilang bahay.

Nang makaubos nang ilang bote ng alak, napagtri­pan umanong sirain ng biktima ang dingding ng bahay ng kapatid na babae na naging dahilan upang mauwi sa kanilang pag-aaway.

Dito nakakuha ng kitchen knife si De Galicia at tinarakan ang kapatid habang humingi ng tulong ang isa pa nilang kapatid na si Rolly Anagao sa PCP-2 na nagresulta sa pagkakaa­resto sa suspek at nareko­ber sa kanya ang ginamit na patalim.

Mabilis na isinugod sa MCU hospital ang biktima at kalaunan ay inilipat sa naturang pagamutan.

(ROMMEL SALES)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *