Tuesday , March 19 2024
Gabby Concepcion

Gabby, dapat makipag-usap, malaking gastos at demanda maiiwasan

NGAYON talagang iniiwasan na iyang mga demandahan na iyan kasi nga masyadong masikip na ang ating mga korte. Maraming mga kasong kriminal na dapat madesisyonan na nabibinbin dahil sa rami ng mga kasong maaari namang resolbahin sa labas ng hukuman. Kaya nga kadalasan nagkakaroon muna ng mediation hearing, na pinag-uusapan iyang mga problema na inihaharap sa korte Kung maaaring pag-usapan na lang, para hindi na makasikip sa hukuman.

Iyan din ang dahilan kung bakit hindi dapat payagan ang “forum shopping,” iyong pagsasampa ng iisang kaso sa napakaraming piskalya na ang hangad lang naman ay baka makalusot sa isa kung maibasura man ng iba.

Parang ganyan lang ang nakikita namin sa kasong isinampa ni Mike Concepcion laban sa kanyang kapatid, ang actor na si Gabby Con­cepcion. Ang pinagtatalunan lang naman ay isang lupa na mahigit na 800 metro kuwadrado, na sinasabing ang tunay na may-ari ay ang kanilang inang si Lourdes Concepcion na nagmana noon mula sa kanyang mga magulang. Umano, naisalin ni Gabby sa kanyang pangalan ang nasabing lupa at naipagbili sa dating umuupa roon.

Ang akusasyon ni Mike, pinalsipika ni Gabby ang papeles at dahil sa ginawang iyon ay nawalan naman sila ng karapatan ng iba pa niyang mga kapatid na may karapatan din naman sa pag-aari ng kanilang ina.

Nagsampa ng demanda si Mike matapos na tumanggi umano si Gabby na makipag-usap sa kanila tungkol sa nasabing problema. Pero kung magkakausap daw sila ni Gabby, maaaring maayos pa ang problema dahil magkakapatid naman sila at hindi na dapat umabot sa ganyan.

Hindi nga ba mas mabuti kung makikipag-usap na lang si Gabby para maiwasan pa ang malaking gastos kung magdedemandahan pa sila?

HATAWAN!
ni Ed de Leon

About Ed de Leon

Check Also

Nadine Lustre Pia Wurtzbach

Nadine bumida sa Bulgari Studio Event

MATABILni John Fontanilla AGAW-EKSENA si Nadine Lustre nang dumalo sa Bulgari Studio Event na ginanap sa Seoul South Korea …

blind item

Male sexy star sustentado ng showbiz netizen

ni Ed de Leon MAY tsismis na nagkita raw muli ang isang dating male sexy star at …

Heart Evangelista Chiz Escudero

Heart muling dinamdam ‘di natuloy na ‘pagbubuntis’

HATAWANni Ed de Leon INAMIN ni Heart Evangelista na talagang sumama ang kanyang loob nang hindi magbunga …

Andres Muhlach Atasha Muhlach Juliana Gomez

Atasha, Andres, Juliana umaarangkada ang mga career

HATAWANni Ed de Leon UMAARANGKADA ngayon ang anak ng mga artista. Iyong kambal ni Aga Muhlach na …

Brandon Melo Take Me To Banaue Maureen Wroblewitz Thea Tolentino

American actor Brandon Melo nagtatalon nang makita ang Banaue 

RATED Rni Rommel Gonzales TUWANG-TUWA ang American actor na si Brandon Melo sa pagkakataong ibinigay sa kanya …

Leave a Reply

Your email address will not be published. Required fields are marked *