Friday , July 19 2019
Breaking News
You are here: Home / News / 2 kelot timbog sa tupada
2 kelot timbog sa tupada

2 kelot timbog sa tupada

DINAKIP ng pulisya ang dalawang lalaki matapos maaktohang nagsasagawa ng tupada sa Marilao, Bulacan kahapon.

Kinilala ni P/Lt. Col. Amado Mendoza, Jr., acting police chief ng Marilao police, ang mga suspek na sina Mark Anthony Raymundo Moscare, 29 anyos, binata, security  guard; at Jaime Pascual Arenas, 50 anyos, may-asawa, isang driver, at kapuwa residente sa Brgy. Sta. Rosa sa naturang bayan.

Nabatid na nagsasagawa ng anti-illegal gambling operation ang Marilao police nang maka­tanggap sila ng impormasyon na may nagaganap na tupada sa naturang barangay.

Agad nilang sinalakay ang itinurong tupadahan na agad nilang nadakma sina Jaime at Raymundo habang nagpulasan ng takbo sa pagtakas ang ilang mananabong.

Nakompiska ng pulisya sa lugar ang isang sugatang tandang at isang patay na manok na katatapos lamang ilaban sa ruweda ng tupa­da­han.

Kasalukuyang nakakalaboso sa Marilao municipal jail ang dalawang suspek habang inihahanda ng pulisya ang pagsasampa ng kaso sa kanila sa Office of the Provincial Prosecutor, sa lungsod ng Malolos. (MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top