Thursday , July 18 2019
Breaking News
You are here: Home / News / Caretaker itinumba sa inuman
Caretaker itinumba sa inuman

Caretaker itinumba sa inuman

PINAGBABARIL at na­pa­tay ang isang care­taker  ng nag-iisang gun­man habang nakikipag-inuman ang una  sa kaniyang mga kaibigan sa Quezon City, ayon sa ulat ng pulisya kahapon.

Kinilala ni P/Lt. Roldan Dapat ng Cri­minal Investigation and Detection Unit (CIDU) ng Quezon City Police District (QCPD) ang biktima na si Rodel Hacienda Fallorina, 44,  at residente sa 25 Int. Lot-9 Acme Road, Brgy. San Bartolome, QC.

Sa imbestigasyon ni P/SSgt. Jerome Dollente ng CIDU-QCPD,  naganap dakong 10:45 pm ang insidente sa loob ng compound sa No. 148 Maligaya St., Brgy. Bagbag Novaliches.

Nakikipag-inuman ang biktima kina Manny Boy Quitang, Gilbert Barredo, at kaanak na si Joven Fallorina sa nasa­bing compound nang  pumasok ang gunman sa gate na nakasuot ng jacket na may hood at may dalang payong.

Kaswal na lumapit ang suspek sa biktima at sunod-sunod na pinaputukan ng baril habang nagsitakbohan ang kaniyang mga kainuman sa takot na barilin din sila.

Nang  bumulagta ang caretaker, kaswal na tumakas ang suspek dala ang hindi pa batid na kalibre ng baril.

Agad isinugod sa Pacific Global Medical Center ang biktima ngunit binawian ng buhay dakong 12:02 am (April 7) anang attending phy­sician na si Dr. Juaregui Angeles, dahil sa mga tama ng bala ng baril sa katawan. (ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top