Tuesday , March 19 2024
Stab saksak dead

Lady lawyer todas sa ‘katagpo’

ISANG abogada ang napaslang sa saksak ng hindi pa kilalang salarin na sinabing katatagpuin ng biktima sa Barangay Talon 5 Las Piñas City kahapon ng madaling araw.

Nalagutan ng hininga habang ginagamot sa Las Piñas Medical Center sanhi ng mga tama ng saksak sa iba’t ibang bahagi ng katawan ang biktimang si Charmaine Mejia, 31, ng 626 Unit B RO Santos St. Barangay New Zaniga, Manda­luyong City.

Base sa ulat na nakarating kay Las Piñas City Police chief, S/Supt. Simnar Gran, nangyari ang pananaksak sa hara­pan ng FDJ Apartelle sa Marcos Alvarez Avenue, Barangay Talon 5 ng nasabing lungsod dakong 3:30 am.

Base sa ulat ng pu­lisya, nabatid na may­roong katatagpuin ang biktima sa naturang lugar na ikinokonsidera nga­yong isa sa mga suspek.

Dito inundayan ng suspek nang mga saksak ang biktima at nang duguang bumulagta ay mabilis na tumakas.

Isinugod ng mga taong nagmamalasakit sa naturang lugar ang biktima ngunit nilagutan din ng hininga habang nilalapatan ng lunas.

Sinabi ni Gran, sa pahayag ng kapatid ng biktima, na isa rin abogada (hindi binanggit ang pangalan), bago mangyari ang insidente, tumawag sa kanya ang kapatid na magpupunta sa Las Piñas dahil may kakausaping tao.

Ilang oras ang naka­lipas muling tuma­wag ang biktima at sinabi sa kanyang kapatid na na­sak­sak siya.

Nalaman na lamang na binawian na ng buhay ang kapatid sa nasabing pagamutan.

Nawawala ang bag ng biktima na naglalaman ng mahalagang gamit.

Isang cellphone ang nakuha sa pinangyarihan ng insidente at dito nakita ang palitan ng mensahe sa text sa bawat isa sa kanila.

“May nabasa kami sa text na pinamamadali ang biktima ng kanyang kau­sap na duma­ting dahil sinabing gabi na…” ani Gran. Nabatid nang mag­tungo ang biktima sa nasabing lugar ay lulan siya ng kanyang sasakyan na Nissan Sedan.

Blanko pa rin ang pulisya na matukoy kung sino ang katagpo ng biktima sa naturang lugar. Inaalam rin kung nahagip ng close circuit television (CCTV) camera ang insidente.

(JAJA GARCIA)

About Jaja Garcia

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *