Thursday , July 18 2019
Breaking News
You are here: Home / News / Kongresista sa Napoles list muling ilabas
Kongresista sa Napoles list muling ilabas

Kongresista sa Napoles list muling ilabas

MATUNOG na naman sa mga balita ngayon ang pangalan ni Janet Lim-Napoles, na binansagang “Pork Barrel Queen” na inakusahang kumurakot sa P10 bilyong halaga ng pondo ng taongbayan, kasama ang mga kasab­wat na senador at kongre­sista.

Naungkat itong muli nang magpahayag ng opinyon si Patricia Mo­reira, managing director ng Transparency Inter­national, isang pan­daigdigang organi­sa­syong sumusuri ng pana­naw ng mga tao tungkol sa korupsiyon sa pama­magitan ng “Corruption Perceptions Index.”

Ilan sa mga kongre­sista ay tumatakbo nga­yong eleksiyon kaya’t pinapaalalahanan na maging mapagmatiyag ang mga Filipino sa pagboto.

Hiling din ng grupo na dapat ay muling maila­bas ang listahan ng mga kandidato na sangkot sa mga pekeng foundation na naging ugat ng korup­siyon noong panahong namamayagpag si Napo­les. Grabeng pinsala ang idinudulot ng korup­syon sa isang demokrasya dahil nagbubunga ito ng isang “vicious cycle” na lalong nagpapahina sa mga sangay ng gobyerno at mga institusyong da­pat sana’y nagba­bantay kontra rito.

Iniulat din ng nasa­bing organisasyon, tu­mang­gap ang Filipinas ng score na 36/100 para sa taong 2018, katulad ng mga bansang Albania, Bahrain, Colombia, Tan­zania, at Thailand.

Bagaman bahagyang umangat ang score ng Filpinas mula 34 noong 2017, nababahala pa rin ang organisasyon dahil hindi man lang umabot sa kalahati ng 120 bansa sa buong mundo.

      (NIÑO ACLAN)

About Niño Aclan

Leave a Reply

Your email address will not be published. Required fields are marked *

*

Scroll To Top