Tuesday , May 21 2019
Breaking News
You are here: Home / News / 3 babae, nailigtas 2 huli sa droga at human trafficking sa QC

3 babae, nailigtas 2 huli sa droga at human trafficking sa QC

NAARESTO ng mga operatiba ng Quezon City Police District (QCPD) ang dalawa katao na sangkot sa human traf­fick­ing at pagtutulak ng droga habang nasagip ang tatlong biktimang baba­e sa isang apartelle sa Brgy. Katipunan, Quezon City, ayon sa ulat kaha­pon ng pulisya.

Kinilala ni QCPD Director, P/Chief Supt. Joselito Esquivel Jr., ang mga naarestong  sina Emmanuel Cerojales, alyas Juding, 31, ng Brgy. Ramon Magsaysay, Bago Bantay; at Jessica Abalos, alyas Cacai, 18, ng Brgy. Bagbag, Quezon City.

Sa ulat, dakong 7:30 pm (9 Marso)  nang maaresto ng mga tauhan ng Novaliches Police Station (PS4), na pina­mumunuan ni P/Supt. Rossel Cejas ang mga suspek sa loob ng No. 77 Rosas Apartelle, na matatagpuan sa EDSA, kanto ng Roosevelt Ave., Brgy. Katipunan.

Una rito, nakatang­gap ang mga awtoridad mula  sa isang ‘confi­dential informant’ na sangkot si Cerojales sa drug at human trafficking kaya nagkasa ng buy-bust operation laban sa kanya, na nagresulta sa pagka­kakompiska ng limang pakete ng shabu, dala­wang cellular phones at buy-bust money.

Sa operasyon, apat na babae pa ang nakita ng mga pulis sa silid, kabi­lang si Abalos, na kalau­nan ay natukoy na kasab­wat ni Cerojales sa pagbe­benta ng mga babae sa kanilang mga kostumer.

Ang tatlong babae ay sinagip. Sila ay biktima  ng human trafficking at exploitation.  Hindi na pinangalanan ang mga nasagip na babae, para sa kanilang  proteksiyon.

Ang mga suspek ay sasampahan ng mga kasong paglabag sa Republic Act 9165 o The Comprehensive Dangerous Drugs Act of 2002 at RA 9208 o Anti-Trafficking in Persons Act. (ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top