Thursday , July 18 2019
Breaking News
You are here: Home / News / Pekeng pampaganda at pampaputing produkto, kinompiska ng FDA
Pekeng pampaganda at pampaputing produkto, kinompiska ng FDA

Pekeng pampaganda at pampaputing produkto, kinompiska ng FDA

KINOMPISKA ng mga tauhan ng Food and Drug Administration (FDA) ang mga pekeng pampa­ganda at pampaputing produkto makaraang magkasunod na sala­kayin ang dalawang esta­blishment sa Antipolo City at Matina, Davao City kamakailan.

Ayon kay FDA Dir. General Nela Charade Puno, unang sinalakay ng kanyang mga tauhan ang dalawang sangay ng Misumi Direct Sales sa No. 25 Maya Ave. Okinari Bldg., Merville Park Subd., San Roque, Antipilo City na pag-aari ng isang Donnah Mae Martinez-Miranda.

Kabilang sa mga kinompiskang pekeng produkto ay Bihaku Aha Blue Booster with Blue­berry Fruit Extract, Skin whitening products, Bihaku Whitening lotion, Seoul Beauty Pore-Fect Powder Infuse with Snail 30ml.

Nahaharap na nga­yon sa kasong paglabag sa rules and regulation ng FDA si Martinez dahil sa pag-o-operate nang walang License to Operate (LTO) at Certificate of Product Registration (CPR) mula sa FDA.

Sinalakay din ng mga tauhan ng FDA ang Misumi Direct Sales na makikita sa 2nd floor Vastland Bldg. McArthur Highway cor. Topaz St., Matina, Davao City na nakompiskahan din ng mga pekeng produkto  na nagkakahalaga ng P220,560.

Ayon kay Puno, ang mga nakompiskang pro­dukto ay kabilang sa 34 unregistered at potential “hazardous cosmetic products.”

Nagpapatulong na rin ang FDA sa iba’t ibang law enforcement na banta­yan ang mga sinalakay niyang establisment at local government units (LGUs) upang hindi makapasok at maka­pagbenta sa kanilang lu­gar ng mga nabanggit na pekeng produkto dahil makasasama sa kalusu­gan ng tao.

About hataw tabloid

Leave a Reply

Your email address will not be published. Required fields are marked *

*

Scroll To Top