Sunday , April 21 2019
Breaking News
You are here: Home / News / Oil companies wala nang lusot sa BIR

Oil companies wala nang lusot sa BIR

WALA nang lusot ang mga gaso­linahang hindi nag-iisyu ng resibo sa kanilang mga kliyente o hindi nag­dedeklara ng tamang sales na pu­mapasok sa kanilang kompanya.

Sinabi ni Finance assistant secretary Tony Lambino, sa pama­ma­gitan ng fuel marking program, awtomatikong malalaman kung ilang litro ang inilalabas ng isang gas station maging ng oil refineries.

Sa ilalim ng programa na nakapaloob sa TRAIN law, ipinaliwanag ni Lambino na kakabitan ng fuel markers o molecular tracers ang lahat ng imported at refined oil products gaya ng gaso­lina, diesel at krudo.

Kaya ang resulta, awtomatikong made­determina ang bawat litrong lumalabas sa mga gasolinahan at oil refineries at mula roon ay matu­tumbok kung mag­kano ang dapat na ba­yarang buwis ng isang gas station.

Dagdag ni Lambino, hagip din ng naturang programa ang smugglers na aniya’y susunod nang paghuhulihin ng gobyerno dahil sa pinsalang idinu­dulot nito sa tamang kita ng bayan.

Batay sa datos, P44 bilyon ang nawawala sa kaban ng bayan dahil sa smuggling na maaaring magamit sa iba’t ibang proyekto ng pamaha­laan.

ni ROSE NOVENARIO

About Rose Novenario

Leave a Reply

Your email address will not be published. Required fields are marked *

*

Scroll To Top