2 patay, 800 pamilya nawalan ng bahay sa sunog sa Cainta (Kandila iniwang nakasindi ng adik?)

DALAWA ang kompir­madong patay sa tinata­yang P6-milyong sunog na 800 pamilya ang nawalan ng tahanan at ngayon ay nasa covered court sa Sabuena Com­pound, Cainta, Rizal.

Kinilala ng Cainta Fire Department ang mga biktimang namatay na sina Maria Refol Cabucas, 81 anyos, at Jhon Bell Lorenzo, 26 anyos, kapwa residente sa lugar.

Sa inisyal na imbes­tigasyon, dakong 5:00 pm kamakalawa nang nangyari ang sunog sa Sabuena Compound., sa kanto ng Ortigas Ave., at Felix Avenue.

Ayon sa ilang kapit­bahay, mula sa nai­wang nakasinding kan­dila ng isa umanong ‘adik’ ang pinagmulan ng sunog.

Ayon sa ulat, halos hindi na makilala ang bangkay ng dalawa nang marekober ng mga awto­ridad.

Ang 800 pamilya na nawalan ng bahay ay pansamantalang nasa covered court ng Brgy., Sto. Domingo.

Nagsimula na rin umanong ayusin ng mga residente ang kani­lang mga bahay sa tulong ni Cainta Mayor Kit Nieto.

(EDWIN MORENO)