Tuesday , March 19 2024

Mall of Asia tambayan ng mga mandurukot

BABALA sa lahat ng mamimili, hindi lamang sa Divisoria at Baclaran maging sa iba’t ibang pangunahing mga Malls. Nagkalat ang mga miyembro ng mandurukot at Salisi Gang, maging sa dambuhalang malls. Gaya halimbawa ng Mall of Asia na paboritong tambayan ng mga aking binanggit na pawang mga salot ng lipunan.
***
Dahil nalalapit na ang araw ng kapaskuhan, dagsa ang mga mamimili na tumanggap ng mga bonus sa kanilang mga trabaho kaya paborito ngayong tambayan ng mga mandurukot at salisi gang ang second floor ng MOA.
Ayon sa isang biktima, nadukutan siya noong nakalipas na linggo at nadukot sa kanya ang halagang P60,000 na pansuweldo niya sa kanyang mga empleyado. Ang bikima ay agad humingi ng tulong sa mga security guards. Dinala ang biktima sa silid na lugar ng mga CCTV cam upang rebisahin at mapanood ang pandurukot sa biktima, ngunit ang masakit kailangan umanong maghintay pa ng apat na araw ang biktima para mapanood ang CCTV cam.
Grabee!
***
Hindi na nga nahuli ang mandurukot at lalong hindi mahuhuli dahil apat na araw pa bago mapanood ang CCTV cam kung sino ang mandurukot!
Wala palang seguridad ang mga biktima!
***
Ilan pa kayang mamimili sa MOA ang mabibiktima na walang magiging solusyon dahil sa palpak na sistema ng seguridad sa MOA!
Siguro dapat magpakalat ng mga sibilyang guwardiya sa paligid ng MOA partikular sa loob ng gusali na puntahan ng mga taong namimili. Lalo sa ikalawang palapag na marami nang nabiktima.
***
Dapat mga ‘igan, maging maingat sa pamimili. Ilagay ang inyong hand bag sa inyong harapan at maging matunog sa bawat katabi habang namimili dahil ang mga mandurukot, puntirya ang mga taong abala sa pagsusukat at pamimili lalo sa bahagi ng mga bargain sale!
Hindi nag -iisa, may mga kasama at pinagpapasa-pasahan ang nadukot nila!
***
Apat na araw pa bago mapanood o makita sa CCTV cam ang insidente? Hindi kaya kasabwat ang mga guwardiya ng MOA ng nasabing mga mandurukot?
***
Kung ganyan ang sistema ng security management sa MOA, ang solusyon mag-ingat na lang ang lahat para hindi na sumama pa ang inyong loob dahil sa kapalpakan ng mga guwardiya o baka naman sindikato na nila ‘yan?!
Ano sa palagay ninyo?

About Amor Virata

Check Also

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Dragon Lady Amor Virata

Surot, surot at surot pa…

Isumbong mokay DRAGON LADYni Amor Virata MAPUPULANG pantal at ubod nang kating naranasan ng ilang …

Sipat Mat Vicencio

Sobrang epal ni Bong Revilla

SIPATni Mat Vicencio DAHIL na rin sa mga kapalpakang ginagawa ni Senator Ramon “Bong” Revilla, …

Leave a Reply

Your email address will not be published. Required fields are marked *