Tuesday , March 31 2020
Breaking News
You are here: Home / Showbiz / Julia, inagaw ni Jameson kay Joshua 
Julia, inagaw ni Jameson kay Joshua 

Julia, inagaw ni Jameson kay Joshua 

SINA Jameson Blake at Julia Barretto na ba ang bagong loveteam?

Sa takbo kasi ng kuwento ng Ngayon at Kailanman ay tila parami nang parami ang exposure ni Jameson kompara sa mga nakalipas na episodes at bukod dito ay nabago ang karakter niya na naging pursigido na para mapasagot si Julia na rati naman ay lumalampas lang sa kanya ang dalaga.

Tsika sa amin ng taga-Dos, ”Obviously, sina Joshua at Julia naman talaga ang loveteam on and off-cam, pero since maraming followers din ang Julia at Jameson kaya bini-build up ang loveteam nila. 

“Kung mababasa mo ‘yung mga comment sa iWant maraming may gusto rin kay Jameson for Julia.

“At maganda ‘yun kasi ‘yung love triangle nila ang inaabangan talaga sa ‘Ngayon at Kailanman,’ nakatatawa nga, may team Josh at team Jameson na.”

Opps, huwag mabahala ang JoshLia supporters dahil hindi naman aagawin ni Jameson sa tunay na buhay si Julia kay Joshua.

Samantala, sa kuwento ng NaK, matuloy kayang makuha ni Elisse Joson (Roxanne) ang kayamanan ng Cortes na utos ni Stella (Alice Dixson). Nagpanggap kasi ang dalaga na siya ang nawawalang anak ni Rebecca (Iza Calzado) at tagapagmana ng mga Cortes.

Abangan ngayong Lunes kung matutuloy ang planong ipahuhukay ni Doña Carmen (Rosemarie Gil) ang katawan ni Rodrigo (TJ Trinidad) para sa DNA testing nila ng nagpapanggap niyang anak na si Roxanne.

Inayunan naman ni Stella ang plano ng biyenan kasi nga ito naman talaga ang gusto niya na mapaniwalang si Roxanne ang nag-iisang tagapagmana ni Rodrigo para makuha niya ang kayamanan ng Cortes at pagkatapos ay at saka niya ipaliligpit.

Mapapanood ang Ngayon at Kailanman pagkatapos ng FPJ’s Ang Probinsyano at sa iWant.ph anumang oras ng libre.

FACT SHEET
ni Reggee Bonoan

Sharon, magpapabuntis muli (‘pag ‘di pa nag-asawa si KC)

Sharon, magpapabuntis muli (‘pag ‘di pa nag-asawa si KC)

About Reggee Bonoan

Leave a Reply

Your email address will not be published. Required fields are marked *

*

Scroll To Top