Tuesday , December 11 2018
Breaking News
You are here: Home / Showbiz / Regine at the Movies concert tickets, mabentang-mabenta
Regine at the Movies concert tickets, mabentang-mabenta

Regine at the Movies concert tickets, mabentang-mabenta

TIYAK na magugulo ang New Frontier Theater dahil isang malaking event ang magaganap sa Sabado, ang Regine at the Movies concert series ng Asia’s Songbird na si Regine Velasquez-Alcasid.

Naglalakihang artista ang makakasama ni Regine sa kanyang series of concerts. Una niyang makakasama si Piolo Pascual (November 17), sunod ang Megastar Sharon Cuneta (November 24), at ang huli, si Daniel Padilla (November 25).

Selling like hotcakes nga ang tickets for the three show at para huwag maubusan, mag-chek agad sa Tickenet outlets, tumawag sa 911-5555 o mag-check online tickenet.com.

Ayon kay Cacai Velasquez-Mitra, kapatid ni Regine at manager at producer ng At the Movies, “Nauna kasing lumabas ‘yung with Piolo and then ‘yung with Sharon (Cuneta on November 24). Then ‘yung idinagdag na araw kasi, ‘yung with Daniel (Padilla) na November 25. Mabili rin ‘yon.”

Nang ma-release kasi ng tickets para sa first two shows, ang bili agad, kaya idinagdag ang third night. Nang i-announce rin na si Daniel ang guest doon, lalo pang lumakas ang benta ng tickets.

READ MORE:  Aktor, na-turn-off sa itinuro ng director

At dahil pare-parehong big stars sina Piolo, Sharon, at Daniel, natanong si Cacai kung hindi ba sila nalakihan sa talent fees ng tatlo?

“Hindi pinag-usapan ang tungkol sa TF. In fairness, no talks about TF talaga! Ang naging problema pa namin, ‘yung schedules niyong tatlo para nga magtugma sa araw na magge-guest sila.

“Naayos naman, kaya si Piolo, nasa November 17, then si Sharon sa November 24, at si Daniel nga sa November 25.

READ MORE:  Elmo, napapabayaan ng GMA kaya lumipat ng Dos

“’Yung kay Sharon nga, sobrang thankful talaga kami ni Ate dahil dapat nasa Hong Kong na siya that day, pero nag-adjust siya ng sobra. Ginawa niyang November 25 ng morning ang flight niya para mapagbigyan nga niya kami. Eh, November 25 mismo ‘yung show niya sa Hong Kong, kaya sobrang sacrifice ang ginawa ni Sharon, kaya sobrang nakabibilib at nakaka-touch!” \

“Si Piolo, sobrang gusto ni Ate na makapag-guest siya sa ‘Regine at the Movies’ dahil nagkasama na sila noon sa movie. Hindi pa rin nakakapag-guest si Piolo sa kahit na anong concert ni Ate, pero si Ate, nag-guest noon sa Araneta Coliseum concert niya.

“Then si Sharon naman, idol talaga siya ni Ate kahit noong mga bata pa kami. Nakare-relate si Ate sa mga pelikula ni Sharon, like ‘yung ‘Bukas Luluhod Ang Mga Tala’ at ‘Bituing Walang Ningning.’

READ MORE:  Imelda, wala sa bokabularyo ang pagreretiro

“Relate na relate si Ate sa mga pelikulang ‘yan ni Sharon noong time na kahirapan pa kami at nangangarap siyang maging sikat na singer!

“Si Daniel naman, na-impress siya sa kanta, plus box-office ang movie, kaya in line naman sa theme ng concert!”

Dahil Kapamilya na nga si Regine, ang media partner ay ABS-CBN at co-presentors ang PLDT Home, Belo Medical Group at GAOC Dental at major sponsor naman ang Jollibee at minor sponsors ang 81 Seihai, Jkas Catering & Services at Ryu Ramen. (MVN)

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved