ISANG lalaking inatake sa puso at isusugod sa ospital ang tumilapon sa kalsada makaraan mabangga ng isang SUV na minamaneho ng isang doktor ang sinasakyang service vehicle ng barangay sa Maynila, nitong Martes ng madaling-araw.
Ayon sa ulat, kabilang din sa nasugatan sa insidente ang anak ng pasyente, driver ng service tricycle at dalawang iba pa.
Nabatid sa imbestigasyon ng mga awtoridad, patawid sa panulukan ng Padre Faura St. at Taft Avenue ang tricycle na sinasakyan ng mga biktima nang mahagip sila ng SUV na minamaneho ni Dr. Juan Lorenzo Labayen.
Sugatan umano ang lahat ng limang sakay ng barangay service, at tatlo sa kanila ang malubha.
“‘Yung sigaw po no’ng boses ng babae pamilyar sa akin, ang sigaw niya agad ‘Tulong, tulong!’ Tapos pagtingin ko nakita ko na lang ‘yung pamangkin ko nakahandusay do’n sa isang sulok,” sabi ni Emily Prado, kamag-anak ng mga biktima.
Habang ipinaliwanag ni Labayen na berde pa ang traffic light sa kaniyang linya kaya tumuloy siya hanggang makasalpukan ang tricycle. Patuloy ang imbestigasyon ng pulisya upang mabatid kung sino ang may pana-nagutan sa insidente.
Check Also
AFP modernization suportado ni Padilla
“MAGIGING maingay kami sa pagsusulong ng modernisasyon ng Armed Forces of the Philippines (AFP), lalo …
Navotas lumagda sa MOU para sa Makabata Helpline
NAKIPAGKASUNDO ang pamahalaang lungsod ng Navotas akasama ang Council for the Welfare of Children (CWC) …
DSDW chief sinabon ng senador
TILA NAKATIKIM ng ‘sabong walang banlawan’ si Department of Social Worker and Development (DSWD) Secretary …
Upgrade ng PGH inilatag sa SB 2634
ISINUSULONG ni Senador Jinggoy Ejercito Estrada ang pag-upgrade ng mga serbisyo at pasilidad ng Philippine …
Sa loob ng tatlong magkakasunod na buwan
LAGUNA POLICE PROVINCIAL OFFICE BEST PPO SA CALABARZON
Camp B/Gen. Paciano Rizal, Santa Cruz, Laguna – Muling nakamit ng Laguna Police Provincial Office …