Wednesday , December 12 2018
Breaking News
You are here: Home / Opinion / ‘Rambol’ ng pamilya sa politika
‘Rambol’ ng pamilya sa politika

‘Rambol’ ng pamilya sa politika

KAKATWA ang political happenings ngayon sa Parañaque City.

‘Yung muling paghahain ni dating mayor Florencio “Jun” Bernabe ng kandidatura para alkalde para tapatan si incumbent mayor Edwin Olivarez, walang kakaiba roon.

Normal na ngayon ‘yun sa takbo ng politika sa ating bansa.

‘Yung pami-pamilyang tumatakbo sa iisang lugar gaya ng mag-asawang Alan Peter Cayetano at Lani Cayetano na kapwa tumatakbong kongresista sa Distrito I at Distrito 2 ng Taguig, bagong eksperimento ‘yan.

Mantakin ninyong mag-asawang mag­kaiba ng address?!

READ MORE:  Goodbye Uncle Sam welcome Kung Fu Panda

‘Yung magkapatid na Binay na nagla­laban sa mayoralty race sa Makati City, killing the opponents ‘yan.

‘Yun bang hindi pa nag-uumpisa ang laban, tinagpas na sa leeg ang kalaban.

Kung mahina lang din ang lalaban, tiyak na hindi na siya kakasa, kasi ang mangyayari magiging tagapanood lang siya ng laban ng mag-utol.

‘Yung mag-utol na Calixto na nag-swap ng puwesto sa pagtakbo, walang bago roon…

Pero rito sa ipinakitang example ng mag-amang Joey at Jeremy Marquez, ay nagulat at natawa talaga ang inyong lingkod.

READ MORE:  Si Hen. Macario Sakay at Mayor Alfredo Lim

Mantakin ninyo, si Jeremy ay tumatakbo bilang vice mayor ng dating alkalde na si Jun Bernabe.

Pero, anyare?!

Bakit ang erpat na si Joey ay nasa kampo ni Mayor Edwin Olivarez?

Mukhang mas politics is thicker than blood kay Tsong Joey, hindi blood is thicker than water?!

Ang ‘stepson’ ni Tsong Joey na si Vandolph, tumakbo rin bilang konsehal sa tiket ni Olivarez.

Pero siyempre , mas nakagugulat na ‘yung anak ang nasa kabilang kampo.

READ MORE:  Bgy. Maharlika Village pugad ng mga kriminal

Ano kaya ang kakaibang offer ng Olivarez camp kay Tsong Joey at pumayag siya sa ganyang set-up habang ang kanyang anak ay nasa Bernabe camp?!

Hindi pala totoo sa kanila ang kasabi­hang like father, like son?!

Kaabang-abang ang mga susunod na pangyayari sa Parañaque!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved