Saturday , November 17 2018
Breaking News
You are here: Home / Bulabugin / SAP maraming mabo-Bong Go sa Senado (Panalong tiyak)
SAP maraming mabo-Bong Go sa Senado (Panalong tiyak)

SAP maraming mabo-Bong Go sa Senado (Panalong tiyak)

SWAK na naman ang kasabihan — sa hinaba-haba raw ng ‘prusisyon’ sa kumolek ‘este Comelec din tumuloy.

‘Yan ang nangyari kay Special Assistant to the President (SAP) Bong Go. Kahit ilang beses niyang sinabi na hindi siya tatakbo sa Senado, hayan, natuloy rin ang kanyang pagtakbo.

At sa lahat ng naghain ng certificate of candidacy (COC), siya lang ang personal na sinamahan ni Pangulong Rodrigo “Digong” Duterte. Mukhang kauna-unahan ‘yan sa kasaysayan.

Marami ang nagsasabi na tiyak na ang panalo ni SAP Bong Go. Lalo na nga’t inendoso siya ni Pangulong Digong.

READ MORE:  Balangiga Bells ibabalik ng kano Palasyo natuwa

Ang kailangan na lang niya ay ‘yung swak na plataporma at programa para sa sambayanang Filipino.

Nitong mga nakaraang araw, madalas niyang naba­banggit ang Malasakit Center. Kung hindi tayo nagkakamali, isa itong programa na sinusuportahan ni Pangulong Digong para mapabilis ang daloy ng tulong medikal sa mga kababayan nating kapos para tugunan ang mga panga­ngailangang gaya nito.

READ MORE:  Ultimatum ni Digong: Boracay ipasasara kapag hindi nilinis

Sa Philippine General Hospital (PGH) ay nakapaglaan na ng P100 milyon si SAP Bong Go sa ilalim ng Office of the President. Ganoon din umano sa malalayong probinsiya.

Ang Malasakit Center ay pinopondohan ng Philippine Charity Sweepstakes Office (PCSO), Philippine Amusement and Gaming Corp. (Pagcor), Department of Health (DOH), at Department of Social Welfare and Development (DSWD).

Sana’y ‘yan ang tutukan ni SAP Bong Go at huwag na siyang makisabay sa mga estilong trapong-trapo (as in traditional politics).

READ MORE:  NCRPO nakatutok sa unibersidad at kolehiyo sa ‘Red October’ ouster plot

Sabi nga nila, matibay na matibay ang kandidatura ni SAP kaya tiyak na marami siyang ‘mabo-Bong Go’ sa Senado.

Abang-abangan po natin mga kababayan… sino kaya ang mabo-Bong Go pa sa mga kandi­datong senador!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap


May Martial law na ba sa MIAA/NAIA?
May Martial law na ba sa MIAA/NAIA?
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved