Wednesday , November 14 2018
Breaking News
You are here: Home / Sports / Bolts, pumang-apat sa Champions Cup
Bolts, pumang-apat sa Champions Cup

Bolts, pumang-apat sa Champions Cup

NAGKASYA sa ikaapat na puwesto ang Meralco Bolts nang kapusin kontra sa SK Knights, 87-91, ng Korea sa pagtatapos ng 2018 FIBA Asia Champions Cup sa Stadium 29 sa Non­thaburi, Thailand kamakalawa ng gabi.

Ngunit sa kabila ng kabi­guang makapagtapos sa po­dium finish at makapag-uwi ng medalya ay uuwi pa rin sa bansa ang Bolts na taas-noo dahil sa semi-final finish nito.

Sumalang sa digmaan ang koponan na kulang ng apat na manlalaro at nagkaroon lamang ng mabilisang ensayo para sa naturang torneo ng pinaka­magagaling na Asian ball clubs.

READ MORE:  Mayweather vs. Maidana posible

Naiwan sa bansa ang dala­wang beterano ng Bolts na sina Jared Dillinger at Ranidel de Ocam­po sa pagbiyahe ng kopo­nan noong nakaraang linggo bunsod ng bone spur at calf injuries, ayon sa pagka­kasu­nod.

At pagdating ng koponan sa Thailand ay namroblema ulit nang hindi paglaruin ng FIBA bilang mga lokal na manlalaro ang mga Filipino-Americans na sina Cliff Hodge at Chris Newsome.

Nagpalit din sila ng import sa pagkuha kay Diamond Stone nang mapinsala ang orihinal na import nitong si Liam McMor­row ilang araw bago ang kom­petisyon. Sa kabutihang palad, naka-adjust agad sa sistema ni head coach Norman Black si Stone na giniyahan ang koponan kasama si Allen Durham sa pagsibak nila sa dating kampeon na Al Riyadi, 96-63 upang makapa­sok sa semi-finals ng naturang torneo.

READ MORE:  Romeo, Taulava sumipot sa unang ensayo ng Gilas

Bunsod ng magiting na kampanyang ito, naalpasan ng Meralco ang ikaapat na pu­westong pagtatapos ng kinatawan ng bansa na Chooks-to-Go Pilipinas sa 2017 FIBA Asia Champions Cup na gina­nap sa Chengzou, China.

READ MORE:  Naturalization ni Blanche aprubado na sa Senaado

Samantala, dinaig ng Petrochimi ng Iran ang Alvark Tokyo ng Japan, 68-64 sa finals upang iuwi ang kampeonato ng Champions Cup.

Magugunitang ang Petro­chimi rin ang sumibak sa Meralco sa semi-finals sakay ng dikit na 79-74 tagumpay.

Nakabalik na sa bansa ang Bolts at sasalang na agad ulit sa PBA Governors’ Cup kontra sa Blackwater sa darating na Biyernes sa Smart-Araneta Coliseum.

COMMENTS

About John Bryan Ulanday

Scroll To Top
 

Copyright hatawtabloid.com | All Rights Reserved