Friday , December 14 2018
Breaking News
You are here: Home / Bulabugin / Boyet de Leon & Piolo Pascual sasabak sa politika ng mga taga-Parañaque?
Boyet de Leon & Piolo Pascual sasabak sa politika ng mga taga-Parañaque?

Boyet de Leon & Piolo Pascual sasabak sa politika ng mga taga-Parañaque?

MUKHANG mainit ang labanan ng mga taga-showbiz at mga politiko sa darating na eleksiyon sa Parañaque City…

Alam po ba ninyo kung bakit?

Aba e mainit na pinag-uusapan sa Parañaque na mukhang sasabak umano ang very hot at idol nang maraming si Papa Piolo Pascual laban kay Rep. Eric Olivarez ng District 1 ng Parañaque City.

Habang ang paboritong leading man ng bayan na si Mr. Boyet de Leon ay sasabak daw naman sa District II ng Parañaque kontra kasalukuyang kinatawan na si Cong. Gus Tambunting.

READ MORE:  Babala: “Berdugong” RWM Towing nagbalik na sa Maynila!!!

Aba, kung totoo ‘yang nasagap natin sa grapevine ng mga Parañaqueño, malakihan ang labanang ito.

Pero sabi nga, may tibay pang maaasahan ang mga mam­babatas na sina Cong. Eric at Cong. Gus dahil may tig-isa pa silang termino.

Sa isang banda, baka naman sa dami ng fans nina Papa P., at Kuya Boyet ‘e makasilat sila ng panalo!?

Sus mio!

Kung sa karanasan, masasabi nating may track record na si Kuya Boyet dahil naging bokal (Board Member) na siya sa lalawigan ng Batangas.

READ MORE:  ‘Rambol’ ng pamilya sa politika

Si Papa P?

Mukhang bagong salta pa lang siya sa mundo ng politika.

Pero hindi naman mukhang tolonges si Papa P. Kung saka-sakali mang palarin, alam nating mabilis naman niyang maaaral kung ano ang trabaho ng isang mam­babatas lalo’t inire-require silang kumuha ng crash course sa public administration.

Wish lang natin, kung saka-sakali, huwag ‘yung hindi mabuting gawain ang matutuhan nila.

Pero, sa mga hindi kompiramdong impor­masyon na kumakalat sa grapevine, wala umanong kakaba-kaba sina representatives Olivarez and Tambunting, sakali mang pumasok sa politika ng mga Parañaqueño sina Papa P., at kuya Boyet…

READ MORE:  Tumataas na bilang ng A-to-A sa Clark International Airport     

Wala silang duda na matibay ang poder nila sa mga distritong kanilang kinakatawan.

For the meantime, abang-abang muna tayo guys!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap


Walang humpay na pagsirit ng presyo ng gasolina, wala bang epekto sa Duterte admin?
Walang humpay na pagsirit ng presyo ng gasolina, wala bang epekto sa Duterte admin?
Hamon sa i-ACT laban sa illegal terminal Lawton
Hamon sa i-ACT laban sa illegal terminal Lawton
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved