Sunday , October 21 2018
Breaking News
You are here: Home / Showbiz / Jillian, bawal pang magpaligaw (Nawiwirduhan sa mga nagpa­paramdam)
Jillian, bawal pang magpaligaw (Nawiwirduhan sa mga nagpa­paramdam)

Jillian, bawal pang magpaligaw (Nawiwirduhan sa mga nagpa­paramdam)

MAY mga nagpapa­-ramdam na kay Jillian Ward ng ‘interes’ (via direct messages sa Instagram) pero hindi niya ine-entertain.

“Hindi ko po sila puwedeng hayaang manligaw dahil hindi ko po alam kung ano ang magagawa ni Papa sa akin,” at tumawa ang 13 year old na dalaga.

Hindi pa siya puwedeng ligawan.

“Hindi pa po puwede.

“Siguro po, ang tip ko po sa kanila, puwedeng magka-crush pero bawal pa pong manligaw.”

Nawiwirduhan
sa mga nagpa­paramdam

ANO ang nararamdaman niya kapag may mga nagmemensahe sa kanya sa IG na nagpapahiwatig ng pagkagusto at interes na manligaw?

“Medyo weird po kasi parang halos ngayon lang po nag-start ‘yung mga ganoon, parang iba po sa pakiramdam.

READ MORE:  Angel, tuloy na ang paglipad bilang Darna

“Pero wala naman po, kasi hindi ko naman po ine-entertain.”

Sa Super Ma’am huling napanood si Jillian na ngayon naman ay napapanood sa My Special Tatay bilang si Odette Villaroman.

Mahigit isang taon na ring napapanood si Jillian sa Daig Kayo Ng Lola Ko tuwing Linggo.

This time, sa My Special Tatay ay isang drama show naman ang kasama si Jillian.

“Happy po ako na makababalik ako sa drama kasi nga po puro fantasy and ‘yung last ko pong drama is ‘Sa Piling Ni Nanay.’”

Napag-alaman namin na ipinalabas din sa Malaysia ang Sa Piling Ni Nanay na napanood dito sa Pilipinas noong 2016 na pinagbidahan nina Yasmien Kurdi, Mark Herras, at Katrina Halili.

READ MORE:  Jillian, nawi-wirduhan sa mga manliligaw

Teenager na ngayon ang dating cute na cute na child actress. Ano ang pakiramdam na isa na siyang ganap na teenager?

“Well, nakakapanood na po ako ng mga pang-13 plus na movies,” at tumawa si Jillian.

“And parang siguro po mas medyo naging mature rin po, kahit paano and pati po ‘yung mga kaibigan ko rin po kumbaga, teenagers na rin po. Pero rati po kasi puro mga bata po ang mga kaibigan ko.”

Ano pa ang pagbabago sa buhay niya ngayong hindi na siya batang paslit?

READ MORE:  Bata at matanda, nababaliw sa JaDine

“Siguro po yung medyo kailangan mo ng maging mas matured and ayun po, parang talagang ang expectations po ng mga nakatatanda ngayon dahil teenager ka na talagang dapat mature na po ‘yung pag-iisip mo.

“Pero medyo isip-bata pa rin po ako,” at tumawa ang Kapuso young actress.

“Pero, wala naman pong ipinagbago, ‘yun lang parang mas maging mature lang po, ‘yung mga nasa paligid ko rin po mas mature na rin ‘yung mga nakakausap ko po.“

And mas naiintin­dihan ko na po ‘yung mga usa­pan ng mata­tan­da.””

ni ROMMEL GONZALES

COMMENTS

About Rommel Gonzales

Scroll To Top
 

Copyright hatawtabloid.com | All Rights Reserved