Wednesday , December 19 2018
Breaking News
You are here: Home / News / Bebot patay sa saksak ng live-in partner
Bebot patay sa saksak ng live-in partner

Bebot patay sa saksak ng live-in partner

PATAY ang isang gi­nang nang pagsasak­sakin ng kanyang live-in partner sa loob ng kani­lang bahay sa Malabon City, kamakalawa ng hapon.

Kinilala ang bikti­mang si Maria Rosa Jatulan, 53, vendor sa Con­­cepcion Market, at residente sa E. De Jesus St., Brgy. Concepcion, habang pinaghahanap ng mga pulis ang kan­yang live-in partner na si Danilo Manalastas, nasa hustong gulang.

Batay sa imbestigasyon nina SPO1 Jherico Pascual, PO2 Joenel Claro at PO2 Aaron Blanco, dakong 5:00 pm nang utusan ng kapatid ng biktima na si Wilma, 43, ang kanyang anak na si Jovito na puntahan ang kanyang tiyahin sa inuu­pahang apartment para alamin kung bakit hindi nagtinda sa pa­lengke.

READ MORE:  Pulong kay Duterte kinansela ni Obama

Agad nagtungo si Jovito sa bahay ng tiya­hin at pagdating ay paulit-ulit niyang kina­tok ang pin­to ngunit walang nagbubukas kaya hu­mingi ng tulong sa isang Reynaldo Gallardo saka sinira ang window grills.

READ MORE:  OFW natagpuang patay sa Saudi hotel

Nang makapasok sa loob, laking gulat ni Jovito nang makita sa loob ng kuwarto ang wala nang buhay na biktima habang natakpan ng unan at banig kaya agad niyang ipinaalam sa kanyang ina na siyang nag-report sa pu­lisya hinggil sa nadis­kobre.

Sa isinagawang cur­sory examination ng mga tauhan ng SOCO sa bang­kay, nabatid na ito ay may mga saksak sa dibdib at kaliwang braso.

READ MORE:  Ex-con na tulak ng droga utas sa shootout!

Nauna rito, dakong 11:15 am nang marinig ng kapitbahay ng bikti­ma na si Roxanne Co­nise, 27, si Ma. Rosa ha­bang umiiyak at sumi­sigaw ng “Danny Tama na!”

Pagkaraan ay nakita ng isa pang saksi na si Joel Conge ang suspek na lumabas sa kanilang apartment at nagma­madaling sumakay sa motorsiklo saka mabilis na tumakas.

(ROMMEL SALES)

COMMENTS

About Rommel Sales

Scroll To Top
 

Copyright hatawtabloid.com | All Rights Reserved