12-anyos estudyante nakoryente sa ilog

PATAY ang isang 12-anyos batang lalaki makaraang makor­yente habang lumalangoy sa isang ilog sa Malabon City, kama­kalawa ng hapon.

Hindi umabot nang buhay sa Ospital ng Malabon ang biktimang kinilalang si Mart Elmer Yanga, Grade 2, residente sa Tambak Uno, Brgy. Tanza Dos, Navotas City, sanhi ng pagkasunog ng katawan.

Batay sa ulat ni Malabon Police Women and Children’s Protection Desk (WCPD) PO2 Diana Palmones, nangyari ang insidente dakong 2:00 pm, habang naglalaro ang biktima ka­sama ang magpinsan na si­na James Benly Aaron Santos, 11, at Ronald Genzon, 12-anyos, sa gilid ng Talabahan river.

Biglang tumalon sa ilog si Yanga at sumakay sa isang lumulutang na styrofoam hang­gang mahulog dahilan upang kumapit sa fish net ngunit unti-unti siyang lumubog sa ilog.

Nang hindi lumutang si Ya­nga, agad hinila ng mag-pinsan ang fish net ngunit nakita nilang may nakakabit na live electric cable kaya humingi sila ng tulong sa mga taong nasa lugar.

Nang maiahon, mabilis na isinugod sa pagamutan ang biktima ngunit hindi umabot nang buhay. (ROMMEL SALES)