Tuesday , December 11 2018
Breaking News
You are here: Home / Showbiz / Alden, nabigong talunin si Coco
Alden, nabigong talunin si Coco

Alden, nabigong talunin si Coco

HINDI kami nagulat nang sabihin sa amin kinabukasan ng isang kaibigang nasa isang survey firm na nabigo si Alden Richards na mag-rehistro ng isang upset sa ratings kompara kay Coco Martin. Una, naging habit na nga kasi ng mga tao iyong panonood sa serye ni Coco, kaya nga tumagal iyan ng ilang taon na ang binibilang. Hindi mo naman maaasahang pataubin iyan ng isang serye sa unang sabak lang dahil wala pang pruweba iyon.

Isa pa, naniniwala kaming mas malakas talaga ang batak ni Coco, dahil subok na iyan kahit na sa pelikula. Ang mga pelikula ni Coco na siya ang star, matapos iyang Ang Probinsiyano ay naging malalaking hits. Nakaya nga niyang makipagsabayan kay Vice Ganda eh.

READ MORE:  Vice, maramot sa detalye ng kanyang lovelife

Ang isa pa nga siguro dapat nating isipin, iyong mga naghi-hit na mga fantasy series sa telebisyon, sabihin mo mang kopya rin sa iba, ang basehan ay kuwentong Pinoy. Kagaya niyong Mulawin, iyong Encantadia, iyong Bagani ngayon. Itong serye ni Alden, ang kinopyahan nila ay Norwegian tales. Medyo alien iyan sa masang nanonood ng telebisyon. Kailangan ang ilang panahon para mas maintindihan iyan, kaya hindi mo dapat asahan ang instant ratings.

READ MORE:  Empoy puwedeng ipareha kina Juday at Angelica

Unfair din namang sabihin mong bagsak, siguro nga kasi bago lang eh. Kung sabihin nga ng mga Pinoy, “parang nanganganay.”

Tingin din namin, mukhang maling linya ng publisidad na nag-apologize pa si Alden doon sa mga AlDub fan na nawalan ng gana. Mas maganda kung ipinaliwanag nilang hindi naman puwedeng lagi na lang love team. Makasisira rin naman sa kanilang career iyong laging sila na lang ang magkasama. Pero noong nag-apologize pa siya, mukhang mali ang linya.

READ MORE:  Charlene, naiyak sa commercial nina Atasha at Andres

Ang masakit pa, si Maine Mendoza ay magiging leading lady ni Coco sa susunod nilang pelikula. Lumalabas tuloy na si Coco ang “knight in shining armor” na kumuha kay Maine matapos siyang i-junk ni Alden.

HATAWAN
ni Ed de Leon

COMMENTS

About Ed de Leon

Scroll To Top
 

Copyright hatawtabloid.com | All Rights Reserved