Saturday , April 20 2019
Breaking News
You are here: Home / News / Occ Mindoro nagdeklara ng state of calamity
Occ Mindoro nagdeklara ng state of calamity

Occ Mindoro nagdeklara ng state of calamity

NAGDEKLARA ng state of calamity ang lalawigan ng Occidental Mindoro nitong Lunes dahil sa patuloy na pagbaha dulot ng mga pag-ulan dala ng habagat.

Ayon sa Provincial Disaster Risk Reduction Management Office (PDRRMO), sanhi ng matinding pagbaha ang pag-apaw ng mga ilog sa lalawigan dulot ng malakas na buhos ng ulan.

Linggo ng gabi ay pinalikas sa evacuation centers ang mga residen­teng naninirahan sa mga nalubog na lugar.

Patuloy pang nanga­ngalap ng datos ang PDRRMO sa bilang ng mga lumikas, at halaga ng mga napinsalang pananim at ari-arian.

Inamin ng PDRMMO na nahihirapan silang maihatid sa mga bayan-bayan ang karagdagang tulong dahil sa mga kal­sadang binaha at hindi madaanan.

Kabilang sa mga lugar na nalubog sa baha ang National Road sa bayan ng San Jose.

Habang mistulang ilog ang mga palayan sa Brgy. Tangkalan sa bayan ng Mamburao. Halos lampas-bahay ang baha sa Brgy. Tayamaan, Mam­burao.

Bunsod umano ito ng nasirang dike sa lugar na malapit sa Mamburao River. Nalubog din sa baha ang municipal hall com­pound ng bayan ng Sa­blayan.

About hataw tabloid

Leave a Reply

Your email address will not be published. Required fields are marked *

*

Scroll To Top