Tuesday , July 17 2018
Breaking News
You are here: Home / Sports / Ratratan sa PBA umiinit
Ratratan sa PBA umiinit

Ratratan sa PBA umiinit

KOMPLETO na ang casts sa quarter­finals ng 2018 PBA Commissioner’s Cup matapos manaig ng Magnolia Hotshots at TNT KaTropa noong Biyernes ng gabi sa Araneta Coli­seum.

Lumanding sa No. 3 seed ang KaTropa na pinaluhod ang elimination topnotcher Rain or Shine Elasto Painters habang inupuan ng Hotshots ang No. 7.

Kinalos ng Pamban­sang Manok Magnolia ang defending champion San Miguel Beer sa huling laro ng 12-team single round robin elims.

Twice-to-beat ang top two teams sa quarters, ito’y ang Elasto Painters, (No. 1) at Alaska Aces, (No. 2), makakalaban nila ang No. 8 GlobalPort, (No. 8)  at Hotshots, (No.7) ayon sa pagkakasunod.

Ang ibang teams na nakapasok ay maglalaban ng best-of-three.

Nakatakdang magha­rap ang KaTropa, (No. 3) at Beermen, (No. 4) sa alas-4:30 ng hapon habang magkakaldagan sa alas-7 ang crowd favorite Ba­rangay Ginebra at Meralco Bolts.

Pinasan ng replace­ment import Wayne Chism sa huling dalawang laro ang Magnolia, sa laban nila kontra San Miguel ay nagtala ito ng 21 points, 14 rebounds at tatlong assists.

Mananatiling si former best import Chism ang sasandalan ng Magnolia sa Game 1 kontra Aces. (ARABELA PRINCESS DAWA)

COMMENTS

About Arabela Princess Dawa

Scroll To Top
 

Copyright © 2009 - 2017 hatawtabloid.com | All Rights Reserved