Wednesday , August 15 2018
Breaking News
You are here: Home / News / Sa pagmumura ng Pangulo: GMRC kargo ng magulang — Palasyo

Sa pagmumura ng Pangulo: GMRC kargo ng magulang — Palasyo

MINALIIT ng Palasyo ang pahayag ng Alliance of Concerned Teachers (ACT) na malaking hamon sa kanila ang magturo ng “good manners and right conduct” sa mga mag-aaral dahil napapanood si Pangulong Rodrigo Duterte na gumagamit ng masasa­mang salita sa kanyang mga talum­pati.

Para kay Presidential Spokesperson Harry Roque, trabaho ng mga magulang ang magturo ng kagandahang asal sa kanilang mga anak at hindi dapat iasa sa mga guro.

“Well, hindi naman po natin sinasabi iyon, pero nandiyan po ang mga magulang. So tingin ko po ang mga magulang talaga ang dapat na nagtuturo ng tamang conduct. Ako po pagda­ting sa pagpapalaki ng mga anak ko, wala po akong inaasahan sa mga guro, ako po mismo ang nagbibigay ng values formation diyan,” sagot ni Roque nang tanungin kung okay lang sa kaniya na gayahin ng mga bata ang pagsasalita ng Pangulo.

READ MORE:  Matambok na puwet ng kapitbahay dinakma ng mangingisda

Ani Roque, hindi niya alam kung gumagamit nga ng mga salitang tumutukoy sa “killing, misogyny and vulgarity” ang Pangulo at hindi rin niya batid kung paglabag ito sa kagandahang asal.

READ MORE:  ‘Fixer’ na gumagamit sa PCSO arestado

“Hindi ko po alam kasi mukhang tanggap naman ng taong bayan iyan ‘no. So kung iyan po ay labag sa —ewan ko ba iyon, iyong sabi nila good conduct, e iyan po ang hatol ng taong bayan sa kaniya,” tugon ni Roque nang usisain kung nanini­wala siyang gumagamit ng masasamang kataga ang Pangulo.

Giit ni Roque, tinang­gap ng publiko ang pagkatao ng Pangulo at ibinoto siya kahit sinabi na hindi na mababago ang klase ng kanyang pana­nalita.

“Pero ang Presidente po hindi nag-plastic, tumakbo po siya ganiyan na siya at sinabi pa niya, ‘Huwag ninyo akong asahang magbago.’ So tingin ko po alam naman ng lipunan kung sino ang inihalal nilang Presidente. So tanggap po nila ang Presidente for who he is,” aniya.

READ MORE:  7 utas sa QC drug bust

Binigyan diin ni Roque, maka-kaliwa ang ACT at ang opinyon ng mga gurong kasapi nito’y hindi pananaw ng kara­mihan ng mga titser.

Naging pangka­rani­wan sa mga talumpati ng Pangulo ang pagmu­mura, mga katagang tumutukoy sa pagpatay at ginagawang biro ang kababaihan.

ni ROSE NOVENARIO

COMMENTS

About Rose Novenario

Scroll To Top
 

Copyright hatawtabloid.com | All Rights Reserved