Saturday , November 17 2018
Breaking News
You are here: Home / Showbiz / Lassy, kinabog ang lovelife ni Vice Ganda
Lassy, kinabog ang lovelife ni Vice Ganda

Lassy, kinabog ang lovelife ni Vice Ganda

NASUBAYBAYAN ko kung paano nag-umpisang umangat ang karera ni Lassy, ang sikat na rin ngayong komedyante na una nating napanood sa mga pelikulang ginagawa ni Vice Ganda. 

“Wala naman tayong ibang gusto sa buhay kundi ang mapabuti ito kaya nga ‘yung pangarap natin, ‘yung sakripisyo natin ay tuloy-tuloy lang dahil mayroon tayong mga pamilyang tinutulungan!” bulalas sa amin ni Lassy na isa rin sa mga bibidang aktor sa pelikulang Wander Bra ni Joven Tan.

READ MORE:  New Generation Heroes, advocacy film na may pagpapahalaga sa mga guro

Kamusta naman ang kanyang buhay ngayong kilalang-kilala na rin siya hindi lang bilang isang magaling na comedy bar host kundi isang magaling na beking komedyante?

“Masayang-masaya na ako ngayon. Sa mga blessing na dumarating sa akin, sa pamilya ko, nakakakain na kami ng kung anong gusto naming kainin, nabibili ko na kahit paano ang mga gusto kong bilhin para sa sarili ko at sa pamilya ko, sobrang masayang-masaya po ako,” kuwento  ni Lassy.

READ MORE:  Yassi, susunod na pasisikatin ng Viva!

Balita namin ay kinabog niya naman ang kaibigan niyang si Vice Ganda pagdating sa lovelife? Balita kasi namin ay happy siya sa kanyang lovelife.

“Ay oo! Whahahahaha! Oo naman! Hindi ko naman ililihim na two years na kami ng boyfriend ko and pareho kaming working for our future! Basta ako masaya ako and masaya naman si Vice sa lovelife niya, ‘yun pa ba?”bungisngis pa nitong kuwento sa amin.

READ MORE:  Ara Altamira, sasabak sa pagkanta sa Voices of July sa Music Box

Kung may pinagkakautangang-loob man  si Lassy, ito ay si Vice Ganda.

“Yes! Kung hindi dahil sa kanya, siguro, mahirap pa rin ako ngayon. Joke! Seryoso. Si Vice talaga. Ang laki ng utang na loob ko sa kanya. Nagpapasalamat ako sa kanya at alam niya ‘yun kung gaano ako nagpapasalamat sa tulong niya,” pagtatapos ni Lassy na isang bonggang role rin ang ginagampanan sa pelikulang Wander Bra. (DOMINIC REA)

COMMENTS

About Dominic Rea

Scroll To Top
 

Copyright hatawtabloid.com | All Rights Reserved