P3-M shabu, kush kompiskado sa buy-bust sa Cainta (2 misis ng inmates arestado)

UMAABOT sa P3 mil­yon halaga ng shabu at high grade marijuana ang nakompiska ng mga tauhan ng Drugs En­force­ment Unit (DEU) sa ikinasang buy-bust operation sa Cainta, Rizal, kamakalawa ng gabi.

Kinilala ni PRO4-A Calabarzon regional director, C/Supt. Guil­lermo Eleazar ang mga arestado na sina Mi­chelle Baylon at Laika Vera, kapwa asawa ng mga inmate sa Bicutan na sina Evan Baylon at Jester Vera, na co-inmate ng isang Antonio Cis­neros, isang American national na umano’y utak ng pagpapakat ng ilegal na droga sa Metro Manila at karatig pro­binsya.

Ayon sa ulat, sa iki­nasang buy-bust opera­tion ng DEU-Calabarzon  ay nakompiskahan ang mga suspek ng 250 gramo ng shabu at isang kilo ng imported mari­juana o kush, tinatayang P3 milyon ang halaga sa Que Plaza, Cainta.

Ayon kay Eleazar, konektado ang dala­wang babae sa isang grupo ng mga nagtutu­lak ng ecstacy sa Quezon City at iisa ang pinag­kukuhaan ng supply.

Pinabulaanan ng mga nadakip na suspek ang alegasyon sa kanila.

Nakompiska rin sa mga suspek ang P500,000 buy-bust money.

Kasong paglabag sa RA 9165 o Compre­hensive Dangerous Drugs Act 2002 ang haharapin ng mga suspek.

 (ED MORENO)