Wednesday , November 21 2018
Breaking News
You are here: Home / Showbiz / Rafael Centenera, bagong single ang Miss Bonita
Rafael Centenera, bagong single ang Miss Bonita

Rafael Centenera, bagong single ang Miss Bonita

ANG tinaguriang Romantic Balladeer na si Rafael Centenera ay may bagong single. Pinamagatang Miss Bonita, ito’y isa sa bagong komposisyon na naman ni Blanktape.

Si Rafael ay beteranong performer sa lounges sa Japan at Malaysia, na sa gulang na 18 ay nagsimulang mag-perform sa Japan at tumagal nang ten years. Tapos na ang kanyang stint sa Tokyo, nagpunta siya sa Kuala Lumpur at naging regular performer sa Regent Hotel. Nag-record siya roon ng albums para sa EMI Malaysia at naging kilala noon sa romantic ballad na Missing You ng Malaysian composer na si Eric Boon. Ito’y naging big hit nang ini-release sa Filipinas noong late ‘70s.

READ MORE:  Hiro, nagkapasa at nagkabukol dahil sa isang starlet

Kilala rin sa tawag na Mr. Romantiko, siya ay nagkaroon rin ng ibang albums sa mga major record labels na karamihan ng kanta ay isinulat ng beteranong kompositor na si Vehnee Saturno.

Pagbabalita ni Blanktape, “May bago siyang single na madalas marinig sa mga radio nationwide, ito’y ang Miss Bonita na isinulat ko po. Ang maganda rito ay hindi ‘yung katulad ng mga inilabas niya noon, kasi ang kanta ay reggaeton/love song na pang-millennials. Iyong tipong parang Despacito, kaya nakaiindak siya kahit love song at bagay sa kanya. Kasi ang song ay mix na Tagalog and Chavacano, na sakto sa kanya, kasi po si Rafael ay Filipino-Spanish.

READ MORE:  Call Center Girl movie, unang inalok kay Sharon (Pokwang, ‘di choosy kahit 2nd choice lang)

“Dumarami na rin ang views nito sa YouTube at by next month ay lalabas na rin ang music video nito. Ang Miss Bonita ay under Mabalasik Music po.

“Regular guest din siya sa DZRH’s Andy Verde radio program, gabi-gabi rin pinapatugtog ang Miss Bonita roon. Nakasama na rin ni Rafael Centenera ang mga beteranang singers tulad nina Pilita Corrales, Eva Eugenio at iba pa,” mahabang kuwento pa ni Blanktape.

READ MORE:  Silahista ang papa niya?

Dagdag ng rapper/composer, “Perfect po itong piyesang Miss Bonita sa kanya, na parang Tom Jones style siya. Bale new image, new music, at gigolo style. But, nandoon pa rin ang pagiging romantiko niya. Collaboration din namin ito ni Mr. Rafael, bale nag-rap ako rito and masasabi ko sir na kakaibang tunog po ang mapapakinggan dito.”

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved