Saturday , November 17 2018
Breaking News
You are here: Home / News / Babala sa Biliran residents sapat — OCD official
Babala sa Biliran residents sapat — OCD official

Babala sa Biliran residents sapat — OCD official

INIHAYAG ng local disaster official nitong Lunes, sapat ang kanilang abiso sa mga residente sa lalawigan ng Biliran kaugnay sa planong paglilikas bunsod ng pagdating ng bagyong Urduja nitong nakaraang Sabado.

“Noong una pa po, hanggang sa kahuli-hulihan, we have been advocating for preemptive evacuation,” pahayag ni Office of Civil Defense Region 8 Director Edgar Posadas, ito aniya ay dahil sa natutuhan nilang leksiyon makaraan ang pananalasa ng super typhoon Yolanda.

READ MORE:  Misuari pabor sa kapayapaan sa Mindanao (Suportado si Duterte)

Ayon kay Posadas, ang mga namatay sa landslide ay maaaring hindi batid ang matinding epekto ng malakas na buhos ng ulan sa kalapit na kabundukan.

“Ito sir, parang biglang nangyari ito, na natabunan lang sila roon. Ito po kasing mga komunidad na ito ay malapit sa mga bundok at mga burol na medyo na-saturate po ‘yung lupa,” aniya.

READ MORE:  Vhong, Cedric, Deniece faceoff sa korte

“Mataas po ang kamalayan ng mga tao rito. However, itong bagyo na ‘to, ang pinakamalakas na po rito ay Signal Number 2. May hangin po, pero hindi kasing lakas ng Yolanda,” dagdag niya.

Si Urduja ay may mahinang hangin kompara kay Yolanda ngunit bumuhos ang malaking volume ng ulan na pinatindi ng seasonal northeastern monsoon.

READ MORE:  Work slowdown inilarga sa NAIA ng BI employees (Sa tinanggal na overtime pay)

“Karamihan po rito ‘yung tubig na daladala ng bagyo, tapos medyo bumagal po siya, and this time of the year kasi, ‘yung silangang bahagi ng Visayas ay naka-experience ng epekto ng amihan, so dagdag pa roon ‘yung bagyong Urduja nitong mga nakaraang araw,” paliwanag ni Posadas.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved