Wednesday , August 27 2025

Grandslam target ng SMB

KAHIT na nagpamigay ng tatlong manlalaro sa nakaraang trade ay hindi naman siguro mararamdaman ng defending champion San Miguel Beer ang pagkawala ng mga ito sa unang bahagi ng 43rd PBA season na magsisimula sa Linggo sa Smart Araneta Coliseum. 

Nawala sa poder ng Beermen sina Jay-R Reyes, Ronald Tubid at Kevin McCarthy na napunta sa Kia Picanto kapalit ng number one pick sa nakaraang rookie draft na si Christian Standhardinger. 

Hindi pa makakasama ng San Miguel Beer si Standhardinger dahil sa naglalaro pa ito sa Hong Kong sa ASEAN Basketball League (ABL). Sa dulo pa ng Philippine Cup makakalipat si Standhardinger at magiging bahagi ng Beernen. 

So, habang naghihintay ay kailangang punan ng ibang manlalaro ang pagkawala nina Reyes, Tubid at McCarthy. 

Sa totoo lang, hindi naman malaki ang dapat nilang punan dahil sa hindi na naging bahagi ng rotation  ni coach Leo Ausrtria ang mga ito sa nakaraang season. Halos nanatili sila sa bench at nanood at nag-cheer. Paminsan-minsan na lang sila naisasabak sa giyera.  

Hindi nga  ba at palagi nating sinasabi na sobrang dumedepende si Austria sa kanyang starting unit at hindi na nabigyan ang iba ng tsansang ipakita ang kanilang skills at potentials. Kung nabigyan sana niya ng tsansa ang mga iyon, e di sana sangkaterba ang kanyang sandata at mas mahihirapan ang kanilang kalaban. 

Pero yun ang kanyang sistema e. 

Nakadalawang titulo siya noong nakaraang season sa sistemang iyon, kaya hindi na puwedeng sabihin na mali siya. 

At patuloy na iyon ang kanyang gagamiting sistema. 

Pero sa pagdating ni Standhardinger, tiyak na mababago iyon. Tiyak na sina Standhardinger at June Mar Fajardo ang maghahati sa responsibilidad. 

Iton ang future ng team. 

At baka iyon ang susi  sa Grand Slam. 

 

Krystall Herbal Products and FGO Branches

About Sabrina Pascua

Check Also

Wassim Ben Tara Tunisia FIVB

Star player Tara ‘di makalalaro
Tunisia unang katunggali ng Alas Pilipinas sa FIVB Worlds

MAKAKAHARAP ng Alas Pilipinas ang powerhouse mula Africa na Tunisia sa unang araw ng 2025 …

Bukidnon Sports Complex, Ideal na Lugar para sa Pagsasanay ng mga Pambansang Boksingero

Bukidnon Sports Complex, Ideal na Lugar para sa Pagsasanay ng mga Pambansang Boksingero

ITINURING ng Philippine Sports Commission (PSC) ang isang ideal na lugar para sa pagsasanay ng …

Set Na Natin To PNVF

“Set Na Natin ’To” Trophy at Mascot Tour, bibisita sa Laoag ngayong Sabado

ISANG mini-tournament na lalahukan ng apat na koponan mula sa Ilocos Norte ang sasalubong sa …

Regional National Training Centers para sa grassroots sports itinutulak ng PSC

Regional National Training Centers para sa grassroots sports itinutulak ng PSC

DETERMINADO si Philipine Sports Commision (PSC) Chairman Patrick “Pato” Gregorio na maitatak ang kanyang pamana …

PFF John Gutierrez FIFA PSA PSC

FIFA Futsal Women’s World Cup hosting ng Bansa, nasa tamang landas ang paghahanda

“NASA tamang landas ang lahat ng aming paghahanda. Mahigpit ang aming koordinasyon sa Federation Internationale …

Leave a Reply

Your email address will not be published. Required fields are marked *