HATAW! D'yaryo ng Bayan hatawtabloid.com
BINAWIAN ng buhay ang isang tricycle driver makaraan mahulog sa kinukumpuning tulay habang minamaneho ang kanyang tricycle sa Batangas, kamakalawa.
Ayon sa ulat, ang biktimang si Raymundo Cabral ay nahulog sa tulay kasama ng kanyang tricycle sa bayan ng Tuy.
Batay sa paunang imbestigasyon, iniwasan umano ni Cabral ang isang aso sa pakurbadang kalsada malapit sa tulay.
Ngunit dahil walang harang ang kinukumpuning bahagi ng tulay, tumuloy-tuloy ang tricycle hanggang nahulog ito.
Isinugod sa ospital si Cabral ngunit hindi na umabot nang buhay.
Sinisisi ng pamilya ni Cabral ang contractor na nagkukumpuni sa tulay dahil hindi naglagay ng harang.
Pinag-aaralan ng pamilya ang pagsasampa ng kaso laban sa contractor, na wala pang pahayag tungkol sa insidente.
