MAS magiging palaisipan ang bawat gabi ng mga manonood ngayong madidiin ang ina ni Joseph (Joshua Garcia) na si Racquel (Mylene Dizon) sa kaso ng pagkamatay ng kanyang ama sa Kapamilya primetime series na “The Good Son.”
Isang dokumento ang nakuha ni SPO1 Colmenares (Michael Rivero) na nakalahad ang criminal records ni Racquel at nagpapakitang mayroon siyang taong pinagtangkaan ang buhay sa kanilang probinsiya. Dahil dito, madidiin siya bilang suspek at uungkatin ang kanyang nakaraan na maaaring magpatunay sa kaugnayan niya sa pagkamatay ni Victor (Albert Martinez).
Mas sumisikip ang mundong ginagalawan nina Joseph at Enzo (Jerome Ponce) ngayong parte na sila ng iisang basketball team. Lalong uminit ang kanilang bangayan matapos pagbintangan ni Enzo si Joseph na sumira sa kanyang kotse, kaya naman mas maraming tao na ang humuhusga sa pagkatao niya.
Dahil sa kaguluhang dala ng pangalawang pamilya ni Victor, hindi titigil si Olivia (Eula Valdez) na maalis sila sa kanilang buhay at lalong patutunayang sila ang may sala sa pagkamatay ng asawa.
Si Racquel na nga ba ang hinahanap na suspek sa pagkamatay ni Victor? Paano malalabanan ni Joseph ang panghuhusga ng iba sa kanyang pagkatao? Huwag palampasin ang kakaibang kaso ng pagmamahal para sa pamilya sa “The Good Son,” gabi-gabi pagkatapos ng “La Luna Sangre” sa Primetime Bida ng ABS-CBN.
Para sa karagdagang impormasyon, pumunta lamang sa fb.com/dreamscapeph at i-follow ang @DreamscapePH sa Twitter at Instagram.
Check Also
Cheska, Pichon, Patrick wasak sa pagkawala ng ina
MA at PAni Rommel Placente NAKIKIRAMAY kami sa magkakapatid na Cheska, Pichon, at Patrick Garcia sa pagpanaw ng …
Ipe binanatan sa planong pagtakbong senador
MA at PAni Rommel Placente NOONG inanunsiyo ni Phillip Salvador na tatakbo siya sa darating na mid-term …
Marco sa relasyon nila ni Heaven—a marriage without a ring
RATED Rni Rommel Gonzales KAHIT halos isang taon na silang nagkakasama sa mga project, alam …
Showbiz gay nahuli si poging bagets na mas beki pa sa kanya
SUKLAM na suklam ang isang showbiz gay nang matuklasan niya ang isang mapait na katotohanan, na ang …
Elizabeth ibinuking FPJ pinakamagaling, pinaka-masarap humalik
HATAWANni Ed de Leon NAALIW kami sa ginawang comparison ni Elizabeth Oropeza nang matanong ni Boy Abunda kung sino …